1.19.2011

ஷோபா சக்தி, சுசீந்திரன் உள்ளிட்ட‌ ஆதிக்க சாதியினரின் ‘புலி’த் தீண்டாமை!!

விடுதலைப் புலிகளின் தலைவர் பிரபாகரன் ஈழ மீனவ சமுதாயத்தின் கரையாளர் பிரிவைச் சார்ந்தவர் என்பதும், ஈழத்தில் மீனவர்கள் தீண்டத்தகாதவர்கள் என்பதும் பல பேர் அறியாத செய்தி. புலிகள் அமைப்பு ஈழத்தில் வலுப்பெறும்வரை, தமிழர்களின் தலைமை வெள்ளாள ஆதிக்க சாதியிடம் இருந்தது. அவர்கள் சாதிஒடுக்குமுறை குறித்து எந்தவொரு அக்கறையும் கொண்டிருக்கவில்லை.

தமிழர்களின் தனிப்பெரும் சக்தியாக புலிகள் வளர்ந்தபோது, சாதி ஒதுக்கலுக்கு எதிராக புலிகள் மேற்கொண்ட நடவடிக்கைகள் (இயக்கத்தில் கலப்புத் திருமணம்தான் செய்ய வேண்டும்; இயக்கத்தில் தீண்டத்தகாத மக்களுக்கு முக்கிய பொறுப்புகள், தீண்டாமைக் குற்றங்களுக்கு கடுமையான தண்டனைகள்) வெள்ளாள சாதியினரிடம் இயல்பாகவே ஆத்திரத்தை மூட்டியதில் ஆச்சரியமில்லை.

அந்த ஆத்திரத்தில் தொடங்கியதுதான் முக்கால்வாசி புலி எதிர்ப்பு அரசியல் என்று வளர்மதி (கீற்று கட்டுரைகள்) கூறுவது ஆராயப்பட வேண்டியது.

நான்காம் கட்டப்போரில் புலிகள் இயக்கம் முற்று முழுதாக தோற்றபின்பு, ஈழ மக்களின் சம உரிமைகளுக்காக ஒரு துரும்பையும் அசைத்துப் போடாத - இன்றும் புலி எதிர்ப்பு அரசியல் மட்டுமே பேசிக்கொண்டிருக்கும் அகிலன் கதிர்காமர், சுசீந்திரன், டக்ளஸ் தேவானந்தா, ஷோபா சக்தி இவர்களின் சாதி பின்புலத்தைப் பார்த்தோமானால் எல்லோரும் ஆதிக்க சாதி வெள்ளாளர்கள்.

தலித் அரசியலை முன்வைத்து இவர்கள் பேசும் புலிஎதிர்ப்பு அரசியலுக்குப் மாற்றாக பிரபாகரன், தமிழ்ச்செல்வன் ஆகியோரின் ஒடுக்கப்பட்ட‌ சாதிப் பின்புலம் குறித்தும், புலிகளின் சாதியொழிப்பு நடவடிக்கைகள் குறித்தும் பேச வேண்டிய அவசியம் இங்கிருக்கும் ஈழ ஆதரவாளர்களுக்கு இருக்கிறது.

தலித் முரசு 2001 ஜனவரி இதழுக்கு அளித்த பேட்டியில் பழ.நெடுமாறன் இதுகுறித்துப் பேசியிருக்கிறார்.

"... ... இந்தியாவில் எப்படி பார்ப்பனர்கள் ஆதிக்க சாதியாக இருக்கிறார்களோ, அதேபோல் ஈழத்தில் வெள்ளாளர்கள் ஆதிக்க சாதியாக இருக்கின்றனர். ஈழத்தில் ‘இலங்கைத் தமிழர் காங்கிரஸ்’ என்றொரு கட்சி துவங்கிய காலத்தில் இருந்து இறுதியாக ‘தமிழர் விடுதலைக் கூட்டணி’ வரை ஏற்பட்ட தலைமை அனைத்தும் – வெள்ளாளர் தலைமைதான். இவர்களை மீறி யாரும் எதுவும் செய்ய முடியாது. போராளி இயக்கங்களான ஈ.பி.ஆர்.எல்.எப்., டெலோ, பிளாட் என எல்லா தலைமையும் வெள்ளாளர் தலைமைதான்.
இதில், விடுதலைப் புலிகளின் தலைமை மட்டும்தான் மாறுபட்டது। விடுதலைப் புலிகளின் தலைவர் பிரபாகரன், தாழ்த்தப்பட்ட மீனவ சமூகத்தைச் சேர்ந்தவர் (மீனவர்கள் அங்கு தீண்டப்படாத சமூகமாகும்). அதனாலேயே இவர்கள் பிரபாகரனை ஏற்றுக் கொள்ள மறுக்கிறார்கள். ‘பிரபாகரனை எப்படி ஏற்றுக் கொள்ள முடியும்’ என்று என்னிடமே வெளிப்படையாக பேசியும் இருக்கிறார்கள்.


அமிர்தலிங்கம் ஒரு பெரிய தலைவர்। அவரிடம் நான் பேசிக்கொண்டிருக்கும்போது, ‘பிரபாகரனை நீங்கள் இணைத்துக் கொள்ள வேண்டும்; அதுதான் சரியானது’ என்றேன். அப்போது அவருடைய மகன் குறுக்கிட்டு, பிரபாகரனின் சாதியைப் பற்றி மிகவும் மோசமாக ஒரு வார்த்தையை சொல்லித் திட்டினார். எனக்கு ஒன்றும் புரியவில்லை. அமிர்தலிங்கமும் மழுப்பி விட்டார்.

பிறகு இதுகுறித்து நான் விசாரித்தபோதுதான், எனக்கு உண்மைகள் தெரிய வந்தன। சாதி ஒரு முக்கியமான காரணம். ஒரு ஆதிக்க சாதியின் பிடி போவதில் அவர்களுக்கு ஒரே கோபம். ஆனால் இன்றைக்கு இதை எல்லாம் தாண்டி பல தரப்பட்ட மக்களும் ஏற்றுக் கொள்ளக்கூடிய தலைவராக பிரபாகரன் மலர்ந்திருக்கிறார். விடுதலைப் புலிகள் இயக்கத்தை – சாதிக்கு அப்பாற்பட்ட இயக்கமாக உருவாக்கியிருக்கிறார்கள்.

எல்லா சாதியைச் சார்ந்த இளைஞர்களும் இதில் உள்ளனர்। அதுமட்டுமல்ல இயக்கத்தில் திருமணம் செய்து கொள்வதற்குக்கூட இரண்டு நிபந்தனைகள் உண்டு. 1.சாதி மறுப்புத் திருமணம். 2.விதவைத் திருமணம். இயக்கத்தில் எல்லாத் திருமணங்களும் அப்படித்தான் நடைபெறுகின்றன. அது வேகமாகப் பரவி வருகிறது. இதன் மூலம் மக்கள் மத்தியில் இக்கருத்து செயல்வடிவம் பெற்று வருகிறது.

விடுதலைப் புலிகளின ஆதிக்கத்தில் இருக்கிற பகுதிகளில் எல்லாம் தீண்டாமையை அடியோடு ஒழித்து விட்டார்கள். சாதிவெறியுடன் யாராவது பேசினால், செய்தால் கடுமையான தண்டனையை புலிகள் விதித்து வருகின்றனர். அங்கு நடைபெறும் போராட்டம் வெறும் அரசியல் போராட்டமாக நடைபெறவில்லை; அது சமூகப் போராட்டமாகவும் ஒரே நேரத்தில் நடைபெறுவதால், இதெல்லாம் அங்கு சாத்தியமாகிறது..."
ஆனால் அதற்குப் பின் - ஷோபா சக்தி, அ।மார்க்ஸ் போன்றோர் உண்மையைத் திரித்து பொய்களைக் கட்டவிழ்த்தபோது - தமிழ்த் தேசியவாதிகள் போதுமான அளவு எதிர்வினையோ, உண்மையைக் கவனப்படுத்தும் கருத்துக்களையோ வெளிப்படுத்தவில்லை. நீண்ட இடைவெளிக்குப் பின் அண்மையில் மீனவர்கள் மாநாடு ஒன்றில் திருமாவளவன் இதுகுறித்துப் பேசியிருக்கிறார். ஆனால் அவருக்கு எதிராக - பிற்போக்குத் தன்மை கொண்ட தமிழ்த் தேசியவாதிகள் சிலர் ‘எப்படி பிரபாகரன் மீது சாதி அடையாளம் பூசலாம்’ என்று முண்டாசு கட்டி கிளம்பிவிட்டார்கள். அதற்கு திருமாவளவன் இந்த வாரம் குமுதம் ரிப்போர்ட்டரில் (20.1.2011) பதில் அளித்துள்ளார்.


"... .... மறுநாள் காலையில் பிரபாகரனைப் பார்க்க அழைத்துச் செல்லப்பட்டேன்। முதல்நாள் நான் அண்ணனிடம் கொடுத்திருந்த எங்கள் கட்சியின் 'தாய்மண்' இதழ்களை அவர் படித்துவிட்டு வந்திருந்தார். 'தாய்மண் இதழ்களைப் படித்துவிட்டு இரவெல்லாம் எனக்கு மன உளைச்சலாக இருந்தது. ஒரு மனிதன் இன்னொரு மனிதனின் வாயில் மலத்தைத் திணிக்கின்ற அளவிற்கு தமிழகத்தில் சாதி அவலங்கள் தொடர்வதை நினைத்தால் வேதனையாக இருக்கிறது. தமிழ்நாட்டுத் தலைவர்கள் எப்படி இதை சகித்துக் கொள்கிறார்கள்?" என்று கேட்டார்.

அதனைத் தொடர்ந்து ஈழத்தில் நிலவும் சாதிப் பிரச்சனைகளைப் பற்றி நெடுநேரம் பேசினார்। புலிகள் இயக்கம் சாதி அடையாளமே இல்லாமல் கட்டமைக்கப்பட்டிருப்பதாகவும், சாதி வெறியர்களுக்கு கடும் தண்டனைகள் வழங்கி வருவதாகவும் கூறி சில நிகழ்வுகளையும் கூறினார்.

அப்போது, 'தொடக்கத்தில் என்னை ஒரு கரையாளர் என்ற அளவில்தான் பார்த்தார்கள். என்னுடைய திருமணத்திற்குக் கூட எதிர்ப்பு வந்தது. இப்போது ஈழத்தில் அப்படியொரு நிலை எதுவும் இல்லை' என்று மிகுந்த உருக்கத்தோடும், கொதிப்போடும் பேசினார்.
.....
.....
இந்தத் தகவலைத்தான் கடந்த டிசம்பர் 11ம் தேதி திருச்செந்தூரில் நடைபெற்ற மீனவர் வாழ்வுரிமை மாநாட்டில் பேசினேன். உங்களில் ஒருவர்தான் அண்ணன் பிரபாகரன். அவர் மீனவ சமூகத்தின் கரையாளர் பிரிவைச் சேர்ந்தவர். எனவே, உங்கள் தாழ்வு மனப்பான்மையை உதறி எறிந்துவிட்டு, நெஞ்சை நிமிர்த்தி நடை போடுங்கள்' என்று அந்த மேடையில் பேசினேன். அதை இப்போது ஒரு மாதம் கழித்து பிரச்சினை ஆக்குகிறார்கள். ... ... "
புலிகள் மீது சுமத்தப்படும் வெள்ளாளக் கறையை போக்க விரும்புவர்கள், இந்த சந்தர்ப்பத்தில் திருமாவளவனை ஆதரிக்க வேண்டியது அவசியம். இல்லையென்றால் கேள்வி மட்டுமே கேட்கத் தெரிந்த ‘இலக்கிய தருமி’கள் விடாமல் புலிகள் மீது சேறு அடித்துக் கொண்டிருப்பார்கள்.

-மினர்வா

மேற்கண்ட கட்டுரையை இங்கும் வாசிக்கலாம் - www।keetru।com
நன்றி- கீற்று.காம்

---
புலிகள் தொடர்பான சாதிப் பூச்சாண்டி அல்லது புரளிகள்

கீற்று இணையத்தளத்தில் மினர்வாவால் எழுதப்பட்ட கட்டுரை புதிய உரையாடல்களை முன்னெடுப்பதாக அமைந்திருப்பது குறித்து மகிழ்ச்சி. விடுதலைப் புலிகளை பாசிசவாதிகள், சாதி வெறியர்கள், பிள்ளை பிடிகாரர்கள், பயங்கரவாதிகள் என்றெல்லாம் சித்தரிப்பதில் புலியெதிர்ப்பாளர்கள் வெகுவாக முயன்று அதில் ஓரளவு வெற்றியுங் கண்டிருக்கும் இக்காலகட்டத்தில் இத்தகைய உரையாடல்கள் அவசியமாகின்றன. புலிகள் தங்கள் மீதான விமர்சனங்களை எதேச்சாதிகாரப் போக்குடன் எதிர்கொள்கிறார்கள் என்ற குற்றச்சாட்டினை முன்வைத்து புலியெதிர்ப்புத் திருவிழாவை கோலாகலமாகக் கொண்டாடி வந்த புலம்பெயர்ந்த, பெயராத “அறிவுஜீவிகள்” புலிகளின் வீழ்ச்சியுடன் அதை நிறுத்திக்கொண்டிருக்க வேண்டும். ஆனால், ”ஆடிய காலும் பாடிய வாயும் சும்மா இருக்கமாட்டா”என்பதற்கிணங்க, அவர்களால் திடுதிப்பென்று திரையை இழுத்து மூடிவிட்டுப் போகமுடியவில்லை. ஆட்களற்ற வெட்டவெளியைப் பார்த்து தொடர்பேச்சை நிகழ்த்திக்கொண்டிருப்பதன் பின்னாலுள்ள வன்மத்தை, காழ்ப்புணர்ச்சியை, குரோதத்தை என்னவென்பது...? மணிமேகலையின் அட்சயபாத்திரம்போலும் அள்ள அள்ளக் குறையாத கோபம் அதுவெனக் கொள்ளலாகுமா? மக்களை அழித்து, அவர்தம் வாழ்வாதாரங்களை அழித்து, சிறைப்படுத்தி சித்திரவதைப்படுத்தியும் தீர்ந்துவிடாத இனவெறியால் உன்மத்தம் கொண்டு மாவீரர்களின் கல்லறைகளைச் சிதைத்து வேரும் இருக்கலாகாதென ஆழ உழுது கல்லி எறிந்த பேரினவாதிகளுக்கும் இவர்களுக்கும் இடையில் என்ன பெரிய வித்தியாசம் இருந்துவிடப்போகிறது?

புலிகள் போரிட்டார்கள். அவர்களே மாண்டுபோனார்கள். வெளியிலிருந்தபடி மக்களுக்காகப் பேசிய, “புலிகளிடமிருந்து மக்களைக் காப்பாற்றுங்கள்“ என்று பதறிய அந்த உதடுகளால் அதே வீச்சோடு இலங்கை அரசாங்கத்தைப் பார்த்து அந்தக் கேள்விகளைக் கேட்க முடியாமற் போனது ஏன்? ஆக, அதிகாரங்களை எதிர்ப்பது என்பது, “புலியதிகாரத்தை எதிர்ப்பது“என்பதனோடு முடிந்துபோகிறதா?

புலிகள் வன்னிப் பகுதியைத் தமது கட்டுப்பாட்டுக்குள் வைத்திருந்தபோது (இங்கு கட்டுப்பாடு என்பதற்கு,இராணுவ மயப்படுத்தலிருந்து விலக்கி எனப் பொருள் கொள்க।) பல தடவை நான் அங்கு போயிருக்கிறேன். நள்ளிரவிலும் பெண்கள் பயமற்றுத் திரியக்கூடிய பாதுகாப்பான ஒரு பிரதேசமாக அந்த நிலம் ஒளிர்ந்துகொண்டிருந்தது.அங்கு சாதியின் அடையாளங்கள் எதையும் நாங்கள் பார்க்கவில்லை. இயக்கத்துக்குள் இருந்த இதர போராளிகள் என்ன சாதியினர் என்பதைப் பற்றி யாரும் கேட்பதுகூட குற்றமாகக் கருதப்பட்டது. எனக்குத் தெரிந்த (சாதியும் தெரிந்த) பல போராளிகள் இருந்தார்கள். அவர்களில் அநேகமானோர் இறுதிப் போரில் மாவீரர்கள் ஆகிவிட்டார்கள். அவர்களுடைய வாழ்வு உன்னதமானது. அவர்களுக்கிடையில் இருந்த பந்தம் கண்ணீரை வரவழைக்க வைக்குமளவிற்கு நெருக்கமானது. தோழர்களை, தோழியரை தாக்க சீறிப் பாய்ந்து வந்த துப்பாக்கிக் குண்டை கணமும் தாமதியாது தங்கள் மார்பில் ஏந்தி மடிந்த துாய்மையான போராளிகள் வாழ்ந்த புனிதமான மண் அது. இவர்கள் தமிழ் திரைப்படங்களில் காட்டப்படுவதுபோன்ற, கண்ணீரை பிழிந்து கறக்க எத்தனிக்கும் பொய்மைகளல்ல. இதை நான் எவருடைய மனமாற்றத்தைக் கருதியும் எழுதவில்லை. நண்பர்களோடு ஒரு அறைக்குள் இருந்து உரையாடிக்கொண்டிருக்கும்போது, “கிரனைட்“இன் “கிளிப்“தற்செயலாக விடுபட்டுப் போக, அந்தக் கணத்தின் பயங்கரத்தை உணர்ந்து சடுதியான முடிவெடுத்து அதைத் தன் வயிற்றுப் பகுதியுள் வைத்து அதன் மீது கவிழ்ந்து வெடித்துத் துண்டு துண்டான அன்பு என்ற போராளி போன்ற பல்லாயிரம் போராளிகளால் ஆன அமைப்பு அது. அத்தகைய அன்பாளர்களுக்கிடையில் சாதி வேறுபாடுகள் நிலவியது என்பது நகைப்பிற்குரியது. இயக்கத்தில் பெரிய பொறுப்புகளை வகித்த தமிழ்ச்செல்வன், அவரது அண்ணா மூர்த்தி இவர்கள் எல்லாம் வெள்ளாளர்களா?

மேலும், வெள்ளாளர்கள் எல்லோரும் புலியெதிர்ப்பாளர்கள் அல்ல. புலியெதிர்ப்பாளர்கள் அனைவரும் தலித்துகளும் அல்ல என்பதைக் கவனத்தில் கொள்ளவேண்டும். மீனவ சமூகத்தைச் சேர்ந்தவராக தலைவர் பிரபாகரன் இருந்தபோதிலும், இயக்கத்தில் விரல்வி்ட்டு எண்ணக்கூடிய அளவு பிராமண சமூகத்தினரும் இருந்தார்கள். வெள்ளாளர்கள் இருந்தார்கள். இந்தச் சாதி என்ற மண்ணாங்கட்டிச் சீரழிவு கீழிறக்கிச் சொல்கிற பள்ளரும் பறையரும் சலவைத் தொழில் செய்கிறரும், நாவித சமூகத்தைச் சேர்ந்தவர்களும் இருந்தார்கள். மலையகத்தைச் சேர்ந்தவர்களும் முஸ்லிம்களும் கூட இருந்ததாகச் சொல்லக் கேட்டிருக்கிறேன்.

“சோஸ்“என்று அழைக்கப்பட்ட, இயக்க உறுப்பினர்கள் சென்று உணவருந்திய, தொலைதுார ஊர்களிலிருந்து வந்த போராளிகள் தமது வீடுகள் போல சென்று புழங்கும் பல வீடுகளில் யாரும் சாதி பாராட்டியதாக நான் அறியேன். “யார் யாரோ பெற்றெடுத்த பிள்ளைகள்“ஒரே வீட்டுக்குள் படுத்து உறங்கிக் கொண்டிருக்க, வெளியில் இருளில் இராணுவ அசுமாத்தங்கள் தென்படுகிறதாவென காவலுக்கு இருந்த யாரோ ஒருவனின் தாயை நான் அறிவேன். அந்த இரவுகள் சாதியால் களங்கப்படுத்தப்பட முடியாதன.

அதிகம் போவானேன்? எங்கள் வீடு வெள்ளாளர், கோவியர், சாண்டார், பறையர் என பல்சாதியினரும் மணம்முடித்த வீடுதான். திண்ணியமும் வெண்மணியும் அங்கு இல்லை. இந்த மாற்றத்தை ஏற்றுக்கொள்ளும் மனோபாவத்தை விடுதலைப் போராட்டமன்றி வேறேது அளித்திருக்க இயலும்?

”பறைச்சி ஆவதேதடா... பணத்தி ஆவதேதடா
இறைச்சி தோல் எலும்பினும் இலக்கம் இட்டிருக்குதோ...”

என்று மேடைகளில் மேற்கோள் காட்டிக் கூவிவிட்டு கீழிறங்கி சாதித் துண்டைத் தோளில் போட்டு நடக்கும் பொய்மையாளர்கள் அல்ல விடுதலைப் புலிகள். கூட்டு வல்லாதிக்கச் சதிகளால் அவர்கள் புதையுண்டு போயிருக்கலாம். பல்லாண்டு கழிந்த பின்பு மண்ணை முட்டி மோதி ஒரு முளை தள்ளும். சா விழுந்த முற்றங்களில் மீண்டும் பூ மலரும். மறுபடியும் எங்கள் மண்ணில் மாவீரர்கள் கல்லறைகளை எழுப்பி வணங்குவோம். கோயில்கள் என்று தனியாக வேண்டியதில்லை.

மீண்டும் பதிவெழுத வைத்த பிரியாவுக்கு நன்றி.



70 comments:

கே.ஆர்.பி.செந்தில் said...

எதிரிகளின் குண்டுகளால் செத்துப்போனாலும், சாதியம் அறுக்க மாட்டோம் எனும் இலக்கிய வியாதிகளை குணப்படுத்த முடியாது ..

ஆறுமுகம் said...

அக்கா

சாதியைப்பற்றி நீங்களும் பேசுவது அதிர்ச்சியாய் இருக்கிறது. பிரபாகரனை நியாயப்படுத்த இதை செய்கிறீர்கள் என்று நினைக்கிறேன். இலங்கை தமிழர்கள் வாழ்வை சர்வதேச சமூகம் மட்டுமல்ல விடுதலை புலிகளும் சேர்ந்துதான் நாசமாக்கினர் என்பது தானே உண்மை.

tparameshwari said...

தமிழ், அற்புதமான கட்டுரை. புலிகளைப் பற்றித் தவறான கற்பிதங்களைப் பொதுமக்களிடையில் பரப்புவதையே தொழிலாகக் கொண்டதோர் கூட்டமொன்று இங்கே உலவும் நிலையில் விரிவான உங்கள் கட்டுரை அகவிழி திறக்கச் செய்கிறது. தொடர்ந்து இந்தப் பணியை நீங்கள் செய்ய வேண்டும்.

தமிழ்நதி said...

செந்தில்,

சாதி என்றொரு விடயமே மனிதவாழ்வுக்கு அவசியமற்றது என்று நான் கருதுகிறேன். இலக்கியவாதிகள் சிலரே சாதியால் பிளவுண்டு கிடக்கிறார்கள் என்பதை என்ன சொல்ல?

ஆறுமுகம், சாதியைப் பற்றி உண்மையில் நான் பேச விரும்புவதில்லை. அப்படி உங்களுக்கு அதிர்ச்சியூட்டும் வகையில் என்ன பேசிவிட்டேன் என்பதும் புரியவில்லை.

”இலங்கை தமிழர்கள் வாழ்வை சர்வதேச சமூகம் மட்டுமல்ல விடுதலை புலிகளும் சேர்ந்துதான் நாசமாக்கினர் என்பது தானே உண்மை.”

நீங்கள் சொல்வதனோடு நான் முற்றிலும் முரண்படுகிறேன். விடுதலைப் புலிகள் வேறு ஈழத்தமிழர் வேறு என்ற தொனி உங்கள் உங்களிடம் ஒலிக்கிறது. ஈழத்தமிழர்களிடமிருந்து வந்து களமாடியவர்களே விடுதலைப் புலிகள். நாளடைவில் சில தவறுகளை அவர்கள் இழைத்தது அவர்களுக்கு எதிராகத் திரும்பியதேயன்றி, விடுதலைப் போராட்டத்தின் நோக்கத்தையே தவறு என்று சொல்லவியலாது. அந்த தவறுகளை அவர்கள் செய்யாமல் இருந்திருந்தாலும், வல்லாதிக்க சக்திகள் ஒருங்கிணைந்து புலிகளைத் தோற்கடித்து இருப்பர். இந்துசமுத்திரப் பிராந்தியத்தில் இந்தப் பிரச்சனை தலையிடியாக இருந்தது. எளிய மக்களின் உயிர்களைப் பலியெடுத்து “சுபம்“என முடித்தார்கள். விடுதலைப் புலிகளில் முப்பதாயிரத்துக்கும் அதிகமானோர் களப்பலியானார்கள்.

எவ்வளவு சுலபமாக எழுதுகிறீர்கள்.”நாசமாக்கினர்”என்று.

விடுதலைப் புலிகள் சாதி வேறுபாடு காட்டியதில்லை என்பதை மீண்டும் அழுத்திச் சொல்கிறேன். நன்றி.

நன்றி பரமேஸ்வரி. சலிப்பாக இருக்கிறது நிலைமைகள்.

Anonymous said...

தமிழ் தேவையானக் கட்டுரை. நான் ஷோபாசக்தியை இலங்கை அரசு ஆதரவாளர் என்றேன் அவர் ஆதாரம் கேட்டார் உங்கள் எழுத்துக்களே அதற்கு ஆதாரம் என்றேன். தவிறவும்ம் தெருப்பொறுக்கும் ஒரு நபரால் எப்படி இப்படி சர்வசாதாராணமாக உலகம் சுற்ற முடிகிறது என்று கேட்ட கேள்விக்கு அவரது சகோதரியின் புலம்பல்தான் பதிலாகக் கிடைத்தது. (குடும்பமாத்தான் வர்றாய்ங்க) ராயல்டியை வைத்து வழித்து நக்கக் கூட வழியில்லாத போது இந்தியா மாதிரியான காஸ்டிலியான மூன்றாம் உலக நாடுகளுக்கு எப்படி வந்து செல்ல முடிகிறது என்பதற்கு அவர் இன்று வரை நேர்மையாக பதில் சொல்லவில்லை. இப்போது இந்த போராளிகள் குறித்து எல்லோருக்கும் தெரிய வருவது மகிழ்ச்சி. அந்த வகையில் ‘’அந்தோனியின் கதை” நேர்மையாக வெளிப்படுத்தாமல் ஒரு தன்னை ஒரு தலித்தாகவே பிம்பப்படுத்தியிருக்கிறார் இந்த பண்ணையார். இந்த விவாதங்களை தமிழ் தேசியவாதிகள் எப்படி எதிர்கொள்வார்கள் என்பதும் எனக்குத் தெரியும். இதை சாதி பற்றிய பேச்சாகவே அவர்கள் நினைப்பார்கள். சாதி பற்றி பேசாததுதானே பிரச்சனை? அல்லது தங்களின் சுயலாப அரசியலுக்காக தங்களுக்கு தோதான தலித் அரசியலை பேசுவதுதானே நடந்திருகிறது? இனியும் இந்த ஆண்டைகளிடம் தலித்துக்கள் ஏமாறக் கூடாது பார்ப்பனர்களிடம் அதிகாரம் வேண்டிய இவர்கள் ஒவ்வொருமுறையும் தலித் மக்களை அடியாட்களாகவே பயன்படுத்தி வந்திருக்கிறார்கள். அதே தந்திரம்தான் ஷோபாசக்தியிடமும்............... வெங்காயம் உரிக்க உரிக்க ஒன்றுமே இல்லாமல் போவது போலத்தான் இவரும்.

டி.அருள் எழிலன்.

தமிழ்நதி said...

ஆறுமுகம்,

தலைவர் பிரபாகரனை யாரும் நியாயப்படுத்த வேண்டிய அவசியம் இல்லை. அதற்கான தகுதியும் எனக்கோ உங்களுக்கோ இல்லை. அவர் தன்னளவில் நியாயமானவர். அதை எதிரிகளும் அறிவர்.

ஆறுமுகம் said...

அக்கா

உங்களுடன் சில விசயங்களில் நான் முரண்பட்டாலும், உங்கள் பதிவுகளின் அடிப்படை நோக்கத்தின் மீது மிகுந்த மரியாதை உள்ளவன். நன்றி

kanagan said...

புலிகள் வெள்ளாளர்கள் என்று இதழிலும் கூவினார் ஆதவன். அதற்கு ஒத்திசைவாக‌ ஷோபா சக்தி, சுசீந்திரன் போன்றவர்களீன் பேட்டிகளை வெளியிட்டார். இப்போதுதான் தெரிகிறது, புலிகள் வெள்ளாளர்கள் இல்லை, ஷோபாவும், சுசீந்திரனும்தான் வெள்ளாளர்கள் என்பது... இப்போது உத்தமபுத்திரன் ஆதவன் இந்த பிராடுகளை விமர்சித்து கட்டுரை எழுதுவாரா? வான்ட்டடாக தேவேந்திரபூபதிக்கு ஆஜரானவர், இப்போது ஷோபாவுக்கு எதிராக ஆஜராக மாட்டார். வாங்கிய காசுக்கு விசுவாசமாக கள்ள மௌனம் சாதிப்பார்... இவங் எல்லாம் இலக்கியவாதிங்க... வெளங்கிரும் இலக்கியம்

ஹேமா said...

எங்கள் மக்களின் மனநிலையைப் பிரதிதிபலித்திருக்கிறீர்கள் அக்கா.
என்ன சாதியோ சமயமோ.சக மனிதனாக வாழவிடாமல் அடியோடு அழித்தொழிக்கப்பட்டுக்கொண்டிருக்கிறோம்.அதைச் சரியாக்க வழிநடத்த நல்ல ஒரு மனிதன்தான் தேவை எங்களுக்கு இப்போ !

senthil said...

நம்பிக்கை வாய்ந்த எழுத்து ,....

அன்று புலிகள் திருப்பி அடிப்பார்கள் ,. போர் தந்திரம் என்று நம்பினோம் ....
பிறகு மக்களையும் , புலிகளையும் மேலைநாடுகள் தலையிட்டு காப்பாற்றும் என்று நம்பினோம் ...
பிறகு நமது தலைவர்கள் உயிரோடு உள்ளார்கள் ,. விரைவில் வெளி வருவார்கள் தங்கள் இருப்பை காம்ம்பிபார்கள் என்று நம்பினோம் ...

இன்று "பல்லாண்டு கழிந்த பின்பு மண்ணை முட்டி மோதி ஒரு முளை தள்ளும். சா விழுந்த முற்றங்களில் மீண்டும் பூ மலரும்" இவாறு நம்புவோம் .

நம்பிக்கையில் தான் வாழ்க்கை உள்ளது என்கிறார்கள் ...

எனக்கு நம்பிக்கை என்ற வார்த்தையின் மேலே நம்பிகைய்று போய் விடதர்க்கா .....

Anonymous said...

நல்ல பதிவு அக்கா

manitham said...

சாதிய தீ இன்னும், தமிழர்களிடம் கொழுந்து விட்டு எரிந்து கொண்டுதான் இருக்கிறது. இது தமிழகத்திலும் சரி, புலம் பெயர் தமிழர்களிடத்திலும் சரி இன்னும் வேரூன்றி உள்ளதாகவே தெரிகிறது.

திருமணம் போன்ற நிகழ்ச்சிகளில் சாதியின் தீவிரத்தை உணர முடிகிறது. ஆனால், இதையெல்லாம் உடைத்து ஈழ தேசத்தை தமிழின தேசமாய் உருமாறி வைக்கப்பட்டிருந்தது. அதையும் இப்போது காட்டிக் கொடுப்பான்களால், அழிக்கப்பட்டுள்ளது.

பெரியார் இருந்த காலத்தில் சாதிய ஒழிப்பின் வீச்சு நன்று உணரப்பட்டது. அதேபோல், ஈழ தேசத்தில் பிரபாகரனின் ஆட்சியில் சாதியம் அற்று இருந்தது.

தற்போது, இவர்களின் வெற்றிடத்தில் மீண்டும் சாதியம் அதிக அளவில் தலை தூக்குகிறது.

இதனால், சாதியம் தமிழர்களிடத்திலருந்து அடியோடி வேரறுக்கப் படவில்லையென தெரிகிறது.

இனி வரும் தலைமைகளும் சாதியத்தை வேரோடு அழித்து, ஒழிக்க வருமா என்பது கேள்வியே. அப்படியானால், தமிழன், ஒரு சாதிய இனமாகத்தான் இருக்க முடியுமா?

அக்னி

விஷ்ணுபுரம் சரவணன் said...

தமிழ்.. அவர்கள் தொடக்கத்திலிருந்தே பிரசங்கள் செய்தே வருகிறார்கள். பிரசங்கவாதிகளுக்கு கடவுளில் இருத்தல் இன்மை குறித்து அக்கரையிருக்கவேண்டும் என்று அவசியமிருக்கிறதா என்ன,. ஈழத்தில் சாதியம் குறித்த உண்மைநிலை இங்கு பலருக்கு தெளிவாக்கப்படவில்லை. ரவி நேர்காணலில் கூறியிருப்பதுபோல இம்மாதிரியான அவதூறுகளுக்கு புலிகள் இயக்கம் தொடர்ந்து பதில் அளித்திருப்பதும் அது பரவலாக வெளிவராத நிலையிலேயே அவர்களின் பின்னெடுப்பினால் இந்த அவதூறுகளின் வாழ்காலம் தைரியத்தில் வளர்கிறது. பொதியவெற்பன் மணல்வீடு இதழில் சிலமாதங்களுக்கு முன் எழுதிய கட்டுரை முக்கியமானது. அவதூறுகளுக்கு பின்னுள்ள அரசியல் இரண்டுதான். ஒன்று தன் தேவைக்கான பொருளாதாரம் மற்றது இயங்குபவர்களையும் இயங்க முயல்பவர்களையும் உடல்,உளவியல் ரீதியாக பலவீனமாக்குவது. கட்டுரையில் குறிப்பிடும் திருமாவளவன் கூட்டத்திற்கு சென்று வந்த தோழர் அடுத்த நாளே இப்பேச்சு குறித்து பகிர்ந்துகொண்டார். அந்த தோழர் அரசியல் நுணுக்கம் தெரிந்தவர் அல்ல. அவர் மனத்திலும் அந்த செய்தியை கொண்டுச்சென்றுள்ளதற்காக சொல்கிறேன். அறிவுமதி அவர்களோடு உரையாட நேர்கிற சமயங்களிலும் ஈழத்தில் கல்வி, சமுக நிலை இருந்த சூழலை பெருமிதத்தோடு விவரிப்பார். தொடர்ந்த உரையாடல்களை தயக்கமின்றி முன்னெடுப்பதே அவதூறுகளுக்கான பதிலாக இருக்கமுடியும்.

sukan said...

சாதியின் அடித்தளம் உளவியல் சம்மந்தப்பட்டது. இது உண்மைகளுக்கு அப்பாற்பட்டு நிலைத்து நிற்பது. நீண்ட காலமாக சாதியின் தொடர்ச்சியான இருப்பு தமிழர்களின் பொது உளவியலில் நிரந்தரமாக ஒரு குண இயல்பு தளத்தை ஸ்தாபித்துவிட்டது. இந்த தளத்தின் மேலிருந்துதான் நாம் இப்போது எழுதிக் கொண்டிருக்கின்றோம். எமது கலாச்சாரமும் அன்றாட வாழ்வியலும் சமூக உறவும் இதன்மேல்தான் இருக்கின்றது. இன விடுதலைப்போராட்டமும் இதன்மேல்தான் நடந்தது. இனமே இந்தத் தளத்தில் தான் இருக்கின்றது. புலிகள் புலியெதிரப்பாளர்கள் எவரும் இதற்கு விதிவிலக்காக முடியாது. இந்தத் தளம் ஒருவனை ஒருவன் ஒருவன் கருத்தை செயலை ஒருவன் ஏற்றுக்கொள்வதற்கான அடிப்படை உளவியலை மறுதலிக்கின்றது. ஒற்றுமை என்பது இந்தத் தளத்தில் போலியானது. ஐக்கியப்படுதல் சாத்தியமற்றது. ஏற்றுக்கொள்ளுதல் ஆதரித்தல் அனுசரித்தல் சாத்தியமற்றது. தியாகங்களும் இலக்கியங்களும் இந்தத்தளத்தில் இருந்து அப்பாற்பட்டுச் செல்லமுடியாது. இயக்கமோதல்களுக்கான அடிப்படையும் அழிவுகளுக்கான அடிப்படையும் இந்த தளத்தில்தான் வேருன்றி இருக்கின்றது. இந்தத் தளம் உடையவேண்டுமானால் இனம் கலைந்து போயாகவேண்டும். இது விருப்பு வெறுப்புக்கு அப்பாற்பட்ட விதி. மாற்ற முடியாத விதி. மனிதனால் முடியாதவைகளும் இந்த உலகில் இருக்கின்றன. அதில் இதுவும் ஒன்று.

padmanabhan said...

சாதியம் எல்லா நிலையிலும் ஒழிக்கப்பட வேண்டிய ஒன்று.
சமூகம் மாறும் என்றே நம்பினாலும்
மாறும் வரை
மாறாத இழிநிலையே
இயல்பாக இருக்கிறது

மயாதி said...

சாதி என்பது நம் சமூகத்துக்கான பெருங்கேடு என்பது உண்மைதான்.ஆனால் அது கொஞ்சம் கொஞ்சமாக மறைந்து வருகிறது என்பது கண்கூடு.சாத்தியம் பேசுபவர்கள் கூட நேரிடையாக சொல்லாமல் மறைமுகமாக அதற்காக செயல் படுவதே அதற்கு சான்று. வெளிப்படையாக பேசியவர்கள் இப்போது மறைமுகமாக பேசுவார்கள் இன்னும் கொஞ்ச காலத்தில் அவர்கள் பேச்சை யாரும் கேட்கவில்லை என்றவுடன் பேசாமலே விடுவார்கள். இந்த நேரத்தில் இது பற்றி பேசுவது அதை ஊதிப் பெரிது படுத்துவதாகவே அமையும். தயவு செய்து எந்தப் பிரச்சினையையும் ஊதிப் பெரிது படுத்தி குளிர் காய வேண்டாம்.

தமிழ்நதி said...

அருள் எழிலன்,

ஷோபா சக்தி வெள்ளாளராக இருப்பது பிரச்சனையேயல்ல;தலித்தாகத் தன்னை உருமறைத்து, அதன் பின்னால் இருந்து விடுதலைப் புலிகளின் வெள்ளாள மனோபாவத்தைச் சாடினார் என்ற இழை அடிக்கடி நழுவிவிடுகிறது.

உரையாடல் வேறெங்கோ போய்விடுகிறது. வெள்ளாளர்கள் எல்லோரும் புலிகளுக்கு எதிரானவர்கள் அல்ல;அவர்கள்
அனைவரும் தலித்துகளின் ஆண்டைகளாகத் தங்களை நினைத்துக்கொண்டவர்கள் அல்ல என்பதை நினைவிற்
கொள்ளவேண்டும். தோழர் வி.பொன்னம்பலம் போன்ற வெள்ளாளப் பிரமுகர்கள் தலித்துகளின் கோயில்
பிரவேசங்களில் முன்னின்றவர்கள் என்று சொல்லப்படுகிறது.

புரிதலுடனான கருத்துப் பகிர்வுக்கு நன்றி ஆறுமுகம்.

கனகன்,

நண்பர்கள் ஒருவரையொருவர் காட்டிக் கொடுக்க மாட்டார்கள்... அதிலும் அரசியல் ரீதியாக கருத்தொற்றுமை
உடையவர்கள் என்பது நாமறிந்ததே. அவர்களுடைய நோக்கத்திற்கு சாதியத்தை ஒரு கருவியாகப்
பயன்படுத்தினார்கள். அவ்வளவே.

ஹேமா, சாதி என்பது தமிழ்நாட்டில் வேண்டுமானால் முதலில் களையப்பட வேண்டியதாக இருக்கலாம். ஆனால்,
ஈழத்தமிழர்களாகிய எங்களளவில் இனபேதம் என்பதும் அதன் பெயரால் தமிழர்கள் படுகொலை செய்யப்படுவதும்தான்
தலையாய சிக்கல் என்பதை வெளியிலிருந்து பார்க்கிறவர்கள் புரிந்துகொள்ள வேண்டும். சாதியை ஊதிப் பெருக்கி,
முதன்மைப் பிரச்சனையிலிருந்து திசைதிருப்பும் “அரசியல்“இன் பின்னணி என்ன என்பதே ஆராயப்பட வேண்டியது.

செந்தில்,

எனக்கும் நம்பிக்கையின் மீது நம்பிக்கை அற்றுப் போவது அடிக்கடி நிகழ்கிறது. ஆனாலும், உலக வரலாறு எப்படி எப்படியெல்லாம் தலைகீழான, அதிரடித் திருப்பங்களைச் சந்தித்திருக்கிறது என்பதை நினைத்துப் பார்க்கும்போது,
வாசிக்கும்போது எதுவும் சாத்தியமே என்று தோன்றுகிறது. மேலும், நாமும் நம் சந்ததியும் எதையாவது பற்றிப் பிடித்துக்கொண்டு வாழவேண்டி இருக்கிறதல்லவா?

நன்றி அனானி நண்பரே.

தமிழ்நதி said...

அக்னி,

விடுதலைப் புலிகள் பலம் பெற்றிருந்த நாட்களில் ஈழத்தில் சாதி பலம் இழந்திருந்தது என்பதை ஏற்றுக்கொண்டமைக்கு
நன்றி. நீங்கள் சொல்வதுபோல புலம்பெயர்தேசங்களுக்குக் காவிச் செல்லப்பட்ட சாதியானது அங்கு திருமணம் போன்ற
நிகழ்வுகளில் சீவித்திருந்தது. “புரபோசல் மரேஜ்“என்று சொல்லப்படும் பேசிச் செய்யப்படும் திருமணங்களில் சாதி
கண்டிப்போடு கவனிக்கப்பட்டது. காதல் திருமணங்களில் சாதியோ மதமோ இனமோ பார்க்கப்படவில்லை என்பது
கண்கூடு. இனிவரும் காலங்களில் உருவாகும் தலைமைகள் என்ன செய்யும் என்பதை... சாதி களையப்படுமா என்பதைப் பொறுத்திருந்துதான் பார்க்கவேண்டும். மேலும், இனி விலைபோகா தலைமைகள் உருவாகுமா என்பதும்
கேள்விக்குறியே.

சரவணன்,

”தொடர்ந்த உரையாடல்களை தயக்கமின்றி முன்னெடுப்பதே அவதூறுகளுக்கான பதிலாக இருக்கமுடியும்.”

என்று சொன்னதை வழிமொழிகிறேன். பல வழிகளிலும் தோற்றுப்போனதான ஒரு மனநிலையிலிருந்து மீண்டெழ
வேண்டியிருக்கிறது. சில சமயங்களி்ல் வாதப் பிரதிவாதங்களின் வீச்சினைப் பொறுத்து, முன்னோக்கிச் செல்லும் பலம் பொறுத்து கருத்தாக்கங்கள் உருவாகின்றன. ஆயினும், அடிப்படை உண்மை என்று ஒன்று உளது. அது நாட்பட்டேனும் தலைநிமிர்த்தும். “தர்மத்தின் வாழ்வதனைச் சூது கவ்வும்.. ஆயின்...“இன்னபிறவற்றை
நினைவில் கொள்வதன்றி வேறு வழி?

சுகன்,

அவரா நீங்கள்? எவரெனினும் என்ன... சாதியை அடித்தளமாகக் கொண்டு நமது சமூகம் கட்டப்பட்டிருந்திருக்கலாம்.

அது இறந்தகாலம். இறந்தகாலத்திற்கு முன்னொரு காலம் இருந்திருக்கும். அப்போது சாதி இருக்கவில்லை என்பதை ஒத்துக்கொள்கிறீர்கள் அல்லவா? நாம் இங்கே பேசுவது புலிகளின் காலம் பற்றி. புலிகளின் கை ஓங்கி இருந்த
காலத்தில் புலிகள் இயக்கத்துக்குள்ளும், அவர்கள் பிரதிநிதித்துவப்படுத்திய சமூகத்திற்குள்ளும் சாதி இறுக்கமாகப்
பேணப்பட்டதா என்பதே பேசுபொருள். ஆம்.. புலிகள் சாதியை வளர்த்தார்கள் என்கிறார்கள் சிலர். நாங்களோ “இல்லை... அது வீரியமிழந்து சென்றது”என்கிறோம்.

சாதியத் தளத்தின் அடிப்படையிலேயே ஒருவன் மற்றவனை மறுத்தான் என்பது உண்மையில் நகைப்பிற்கிடமாக
இருக்கிறது. நீங்கள் சொல்வது தமிழ்நாட்டிற்கு ஓரளவு பொருத்தப்பாடுடையதாக இருக்கலாம். ஆனால், போராட்டம்
தோன்றி வளர்ந்து உச்சமாக இருந்த காலகட்டத்தில், ஈழத்தில் அப்படியொரு நிலை இருந்தது என்பது அபத்தமாக இருக்கிறது. எங்களது அடிப்படைப் பிரச்சனை நாங்கள் அனைவரும் சாதியில் குறைந்தவர்களாக, அதாவது இரண்டாவது குடிமக்களான தமிழர்களாக இருந்ததுதான். பொது எதிரிகளாகிய பேரினவாதிகள் பள்ளர், பறையர், கோவியர், முக்குவர், சாண்டார், கிறிஸ்தவர், முஸ்லிம்கள், வெள்ளாளர், பிராமணர், நாவிதர்
எல்லோரையும்தான் அடிமைப்படுத்தினர். சாதி பிரித்துப் பார்த்து நாங்கள் கொல்லப்படவில்லை.

”இயக்கமோதல்களுக்கான அடிப்படையும் அழிவுகளுக்கான அடிப்படையும் இந்த தளத்தில்தான் வேருன்றி இருக்கின்றது.” என்ற உங்கள் கருத்தை உளச்சுத்தியோடு மீள்பரிசீலனை செய்யவேண்டும்.

பத்மநாபன்,

எனது சொந்த வாழ்வில் என்றைக்குமே சாதியைப் பற்றி நான் சிந்தித்தது கிடையாது. எனது அன்றாட வாழ்க்கையில்
சாதி எங்கே வருகிறது என்று பார்த்தால், முதன்முதலில் சென்னையில் வீடு தேடும்போது அனுபவித்ததுதான்
நினைவில் வருகிறது. “பிராமணர் அல்லாதவர்களுக்கு வீடு கொடுக்கமுடியாது“என்று சில இடங்களில்
சொன்னார்கள். அதை வேறு வார்த்தைகளில் நாகரிகமாக“வெஜிடேரியன்“க்குத்தான் வீடு கொடுப்போம் என்று
சொன்னார்கள். என்னால் சாதியும் மதமும் இல்லாமலே வாழ்ந்து இறந்துபோக முடியும். ஆனால், அது பலருக்கும் சாத்தியமில்லாமல் இருக்கிறது. குறிப்பாக, கீழ்ச்சாதி என்று இவர்களால் விளிக்கப்படுகிற சமூகங்களில்
பிறந்திருப்பவர்களுக்கு சாதி எந்நாளும் நினைவூட்டப்பட்டுக்கொண்டே இருக்கிறது. இந்த நினைவூட்டல் ஒப்பீட்டளவில் ஈழத்தில் மிகக் குறைந்தளவிலேயே இருந்தது. அதுவும் போராட்டம் முன்னெடுக்கப்பட்டபோது சாதி பின்தங்கியது.

மயாதி,
சா -தீயை ஊதிப் பெரிதுபடுத்துபவர்களைப் பற்றித்தான் இங்கு உரையாடல் நடக்கிறது. உயிரைச் சுமந்து
திரியும் ஒரு வாழ்வில் சாதி இரண்டாம் பட்சமாக ஏன் பத்தாம் பட்சமாகக் கூட இருத்தலாகாது. அவ்விதம் இருக்க,
அதை ஊதிப் பெரிதுபடுத்திக் குளிர் காய்பவர்கள் உங்கள் பின்னுாட்டத்தைக் கவனத்தில் கொள்வார்கள். நான் சாதி
(இல்லை என்றோ இருக்கிறது என்றோ) பேசுவதில்லை. அதை நினைப்பதுகூட இல்லை. எங்களைப்
போன்றவர்களிடத்தில் அப்படியொரு வஸ்து கிடையவே கிடையாது.

அ.வெற்றிவேல் said...

ப்ரியாவின் ஃபேஸ்புக் இடுகையும் இந்த இடுகையும் மிக் முக்கியமானதான நான் உணர்கிறேன்.. என்னைப் பொறுத்த வரையில் அனைத்துமே புதிதான விசயங்கள்.. தமிழ் ஈழ ஆதரவாளனாக 83-ல் இருந்து இருந்தாலும், இதெல்லாம் இப்பத்தான் முதல் முதலில் கேட்கிறேன் இந்த இரண்டு கட்டுரைகளில் இருந்து ஒன்று தெளிவாகப் புரிகீறது.. புலிகளின் காலத்தில் சாதிப்பாகுபாடு இல்லை என்பது ப்ரியாவிற்கும் உங்களுக்கும் என் மனமார்ந்த நன்றிகள்

வருண் said...

***இந்தியாவில் எப்படி பார்ப்பனர்கள் ஆதிக்க சாதியாக இருக்கிறார்களோ, அதேபோல் ஈழத்தில் வெள்ளாளர்கள் ஆதிக்க சாதியாக இருக்கின்றனர். ***

அங்கேயுமா இதே எழவு?!!

நாசமாப்போச்சு போங்க!

V R said...

வணக்கம் நண்பர் தமிழ்நதி,

கருத்து செறிவுள்ள ஒரு கட்டுரை. இதுபோன்ற கட்டுரைகளை பார்க்கும்போது தான் மனதுக்கு கொஞ்சம் ஆறுதலாக இருக்கிறது.

உங்கள் பணி தொடரவேண்டும். சலிபடைய வேண்டாம். சரியாக சொன்னீர்கள் ..... கோயில்கள் என்று தனியாக வேண்டியதில்லை.

sukan said...

//சாதியத் தளத்தின் அடிப்படையிலேயே ஒருவன் மற்றவனை மறுத்தான் என்பது உண்மையில் நகைப்பிற்கிடமாக
இருக்கிறது. நீங்கள் சொல்வது தமிழ்நாட்டிற்கு ஓரளவு பொருத்தப்பாடுடையதாக இருக்கலாம். ஆனால், போராட்டம்
தோன்றி வளர்ந்து உச்சமாக இருந்த காலகட்டத்தில், ஈழத்தில் அப்படியொரு நிலை இருந்தது என்பது அபத்தமாக இருக்கிறது. எங்களது அடிப்படைப் பிரச்சனை நாங்கள் அனைவரும் சாதியில் குறைந்தவர்களாக, அதாவது இரண்டாவது குடிமக்களான தமிழர்களாக இருந்ததுதான். பொது எதிரிகளாகிய பேரினவாதிகள் பள்ளர், பறையர், கோவியர், முக்குவர், சாண்டார், கிறிஸ்தவர், முஸ்லிம்கள், வெள்ளாளர், பிராமணர், நாவிதர்
எல்லோரையும்தான் அடிமைப்படுத்தினர். சாதி பிரித்துப் பார்த்து நாங்கள் கொல்லப்படவில்லை.//

சிங்களவர்களின் குண்டுகள் தமிழர்களையே கொன்றது தவிர வேறெந்த ஏற்றதாழ்வுகளையும் அவை பிரித்துப்பார்த்ததில்லை என்பதை அறிவோம். சரி சிங்களவர்கள் தமிழர்கள் என்று எதிர்நோக்கும் போது தமிழர்கள் ஏன் அதை ஏற்றுக்கொள்ளும் மனநிலையில் இருந்திருக்கவில்லை? யாழ்ப்பாணியத்துள் இருந்து தோற்றம் பெற்ற முப்பதுக்கும் மேற்பட்ட இயக்கங்கள் எந்த அடிப்படையில் தமக்குள் மோதிக்கொண்டது? ஏன் அவர்கள் ஒன்றிணையமுடியவில்லை? அதற்கான தனிமனித உளவியலை கட்டமைத்தது எது? இஸ்லாமியத்தமிழர்கள் மீதான புலிகளின் நடவடிக்கைக்கு அடிப்படை எங்கிருந்து வந்தது? போராட்ட காலத்தில் தானே மு
ஸ்லீம்கள் விரட்டப்பட்டார்கள்? இவட கிழக்கு என்று பிரதேசவாதமாக இறுதியில் மோதிக்கொண்டார்களே கருணாவும் பிரபாவும் இதற்கான அடிப்படை என்ன?


சாதியம் ஒரு உளவியல் நோய். இந்த நோய்க்கு உட்படாதவர்கள் எவரும் இல்லை. புலிகள் புலியெதிர்ப்பாளர்கள் எவரும் இதற்கு விதிவிலக்கல்ல.

மனிதர்களுக்கு பிடிவாதக்குணம் இயல்பானது சாதிய சமுதாயத்தில் இந்தக் குணம் பன்மடங்கு வீரியமாக இருக்கின்றது. இதைப்போலவே ஏற்றுக்கொள்ள மறுத்தல் வெறுத்தல் தூற்றுதல் என குணங்கள் அனைத்தும் சாதியச் சமுதயத்தில் மிக வன்மமாக இருக்கின்றது. இந்த வன்மத்தில் இருந்து இயக்க மோதல்கள் இன்ன பிற வேற்றுமைகள் அழிவுகளை விலத்தி இனம் காணமுடியாது. அவ்வாறு காண முடியும் எனில் அதற்கான அடிப்படையை முன்வைத்தால் அறிந்துகொள்ள வசதியாக இருக்கும்.

தேசியமே வெள்ளாளமாகவும் யாழ்பாணியமாகவும் இருந்தபடியால்தான் முள்ளிவாய்க்காலில் வறியமக்களின் உயிரெடுப்பும் நல்லூர்க்கந்தனுக்கு திருவிழாவும் ஒரே நேரத்தில் நடந்தேறியது.

கிருத்திகன் said...

///விடுதலைப் புலிகளின் தலைவர் பிரபாகரன் ஈழ மீனவ சமுதாயத்தின் கரையாளர் பிரிவைச் சார்ந்தவர் என்பதும், ஈழத்தில் மீனவர்கள் தீண்டத்தகாதவர்கள் என்பதும் பல பேர் அறியாத செய்தி.///

நிச்சயமாக இந்தச் செய்தியை ஈழத்தில் யாருமே அறிந்திருக்கமாட்டார்கள். காரணம் இது அப்பட்டமான திரிக்கப்பட்ட செய்தி. யாழ்ப்பாணத்து சமூக வரலாற்றை எடுத்து நோக்கினோமாகில் ஆகக்குறைந்தது 20 பெரும் சாதீயக்குழுமங்கள் இருந்தன, இருக்கின்றன. இவை படிநிலை வழியே வரிசைப்படுத்தப்பட்டிருக்கின்றன. இந்தப் படிநிலையில் உயர்ந்ததாகச் சொல்லப்படும் சாதிகளிலிருந்து பார்த்தால் நீங்கள் சொல்கிற கரையாளர் அல்லது கரையார் எட்டாவது படிநிலையில் இருக்கிறார்கள். படிநிலைகளை விடுவோம். யாழ்ப்பாணத்து சமூக வரலாற்றில் அம்பட்டர் (நாவிதர்), பள்ளர், நளவர் மற்றும் பறையர் ஆகிய நான்கு சாதியினரையே தீண்டத்தகாதவர்கள் எனக் ஒடுக்கினார்கள். இவர்களுக்கு மேலே படிநிலையில் இருந்த அனைத்துப் பேரும் (அழுத்தம்) இவர்களை ஒடுக்கினார்கள். இதில் கொடுமை இந்தப் படிநிலையில் தீண்டத்தகாதவர்கள் என வரையறுக்கப்பட்ட சாதிகளுக்குள்ளேயே படிநிலைப்படியான ஒடுக்குமுறை இருந்தது. இதைவிட ‘மீனவர் சமூகம்’ கூட கரையாளர், முக்குவார் என இரண்டு வகைகளைக் கொண்டிருந்தது. கரையாளர் பார்வையில் அவர்க்கு மேலிருந்த அனைவரும் ஆதிக்க சாதிகளாக இருக்க, பறையர் பார்வையில் எல்லோருமே ஆதிக்க சாதிகளாகத்தான் இருந்தார்கள். அதாவது, சாதிக்கொடுமையின் உச்சகட்டம் தீண்டத்தகாதவர்களாக ஒதுக்கப்பட்ட நான்கு சாதியைச் சேர்ந்தவர்களுக்கே நடந்தது. வல்வெட்டித்துறை சிவன் கோவில் உரித்து அடிப்படையில் அந்தப் பக்கத்தின் செல்வாக்கு மிகுந்த சாதியாக விளங்கிய கரையாளர் சாதியை ‘தீண்டத்தகாத சாதி’ என்று சொல்வதன் மூலம், அவர்களுக்குக் கீழே நசுக்குண்ட எங்களின் இருப்பையே நிராகரிக்கிறார் கட்டுரையாளர்.

மற்றபடி ஆதிக்க சாதி வெள்ளாளர்களின் ஆதிக்கத்தைப் பிரபாகரன் அடக்கி வைத்ததுதான் அவர்மீது ஆதிக்க சாதிகளின் பெருவெறுப்புக்குக் காரணமானது என்பது மறுக்கமுடியாத உண்மை. அதன் காரணத்தால் பிரபாகரன் எடுத்த நடவடிக்கைகள் காரணமாக சாதி எந்தவகையிலும் ஒழியவில்லை என்றபோதிலும் ஆகக்குறைந்தது பொதுவிடங்களில் பயத்தினாலாவது சாதிக்கொடுமைகள் தடுக்கப்பட்டன. என்னைப் பொறுத்தவரை சாதி வளர்ப்பு தலைமைகளால் முன்னெடுக்கப்படலாம். சாதி ஒழிப்பு முன்னெடுக்கப்படுவது தனி மனித அல்லது சிறு குழுமப் போராட்டங்கள் மூலமே முடியும். தலைமைகளால் அது முடியாமல் போவதனால் முழுப் பிழையையும் தலைமைகளை ஏற்கச்சொல்ல முடியாது. காரணம், வேரோடிய ஒன்றை நீரூற்றிச் செழிக்கவைப்பது இலகு. பிடுங்கி எறிவது கடினம். சாதிக்கொடுமைகளைக் கொஞ்சமாவது அடக்குவதில் (அ) சாதி மறைப்பில் புலிகள் இயக்கம் முழுமையாக வெல்லாவிட்டாலும் (வலிகாமம் தென்மராட்சிக்கு இடம் பெயர்கையில் நடந்த கொடுமைகளை யாரும் மறைக்கவோ, மறுக்கவோ முடியாது)ஓரளவாவது முன்னோக்கிக் கால் வைத்தார்கள் என்பது உண்மையே.

நண்டு @நொரண்டு -ஈரோடு said...

//சக மனிதனாக வாழவிடாமல் அடியோடு அழித்தொழிக்கப்பட்டுக்கொண்டிருக்கிறோம்.அதைச் சரியாக்க வழிநடத்த நல்ல ஒரு மனிதன்தான் தேவை எங்களுக்கு இப்போ ! //
இதைத்தான் நானும் முன்வைக்க விரும்புகிறேன் தமிழ் .தேவை தற்பொழுது இது தான் .இது மட்டும் தான் .

ராம்ஜி_யாஹூ said...

தமிழ் அக்கா, விளக்கமான பகிர்விற்கு நன்றி

தமிழ்நதி said...

நன்றி வெற்றிவேல். இப்படி ஏதாவது எழுதி “நாங்களும் இருக்கமுல்ல“என்று காட்டிக் கொள்கிறோம்:)))

ஆமாம் வருண். அங்கேயும் அந்த சாதித் திமிர் இருந்தது. போராட்டம் முகிழ்க்கவில்லையெனில் நாங்களும் சாதியத்தால் பாதிக்கப்பட்டவர்களாகவே இருந்திருப்போம்.

சுகன்,

”சரி சிங்களவர்கள் தமிழர்கள் என்று எதிர்நோக்கும் போது தமிழர்கள் ஏன் அதை ஏற்றுக்கொள்ளும் மனநிலையில் இருந்திருக்கவில்லை?”

இந்தக் கேள்வி உண்மையில் அபத்தமாக இருக்கிறது. இலங்கை வரலாற்றை, தமிழர்கள் மீது காலகாலமாகக் கட்டவிழ்த்துவிடப்பட்ட இனக்கலவரங்களை, பாரபட்சங்களை அறியாதவர்போல நீங்கள் கேட்பதும் அதற்கு நான் கிளிப்பிள்ளைக்குச் சொல்வதுபோல பதில் சொல்லிக்கொண்டிருப்பதும்... மாபெரிய நகைச்சுவைதான். “பெரும்பான்மைச் சிங்களவர்களால் ஆதரிக்கப்படும் பேரினவாதத்தை, இனச்சுத்திகரிப்பை, படுகொலைகளை ஏற்றுக்கொண்டு வாழ ஏன் உங்களால் முடியவில்லை...?என்ற கேள்வியை உங்களால் மட்டுமே கேட்கமுடியும்.

யாழ்ப்பாணத்துக்குள் இருந்து தோற்றம் பெற்ற முப்பதுக்கும் மேற்பட்ட இயக்கங்கள் சாதி அடிப்படையிலா தங்களுக்குள் மோதிக்கொண்டன? அப்படியானால் ஒவ்வொரு இயக்கமும் ஒவ்வொரு சாதியைப் பிரதிநிதித்துவப்படுத்தினவா? எப்படியெல்லாம் வரலாற்றைத் திரிபுபடுத்துகிறீர்கள்? உண்மையில் அந்த மோதல்களில் வெளிப்படுத்தப்பட்டது அதிகாரத்துவத்திற்கான போட்டி. தலைமைத்துவத்திற்கான அடிபிடி. அது உங்களுக்கும் தெரியும்.

”இஸ்லாமியத்தமிழர்கள் மீதான புலிகளின் நடவடிக்கைக்கு அடிப்படை எங்கிருந்து வந்தது?”

நாங்கள் இங்கே சாதியைப் பற்றிக் கதைத்துக்கொண்டிருக்கிறோம் என்று நினைக்கிறேன். முஸ்லிம் என்பது இஸ்லாத்தை வழிபடு மதமாகக் கொண்ட ஒரு இனம். நீங்கள் ஏன் இரண்டையும் போட்டுக் குழப்பிக்கொள்கிறீர்கள்? தவிர, விடுதலைப் புலிகள் முஸ்லிம்களை யாழ்ப்பாணத்திலிருந்து விரட்டியது தவறு என்று அவர்களே ஒத்துக்கொண்டிருக்கிறார்கள். உணர்ந்திருக்கிறார்கள். முஸ்லிம்களல்லாத ஏனைய தமிழ் மக்களும் அதைக் குறித்து மிகுந்த மனவருத்தத்தோடு இருக்கிறார்கள். விடுதலைப் புலிகளை அதற்காக கடுமையாக விமர்சித்தும் இருக்கிறார்கள். ஒத்துக்கொள்ளப்பட்ட ஒரு தவறை இப்போது வந்து உயர்த்தி உயர்த்திப் பிடிப்பது எதற்காக என்று புரியவி்ல்லை. தலைவர் பிரபாகரனும், கருணாவும் மோதிக்கொண்டதற்குக் காரணம் பிரதேசவாதம் என்று நீங்கள் சொல்கிறீர்கள். பிரதேசவாதத்திற்கும் சாதிக்கும் வேறுபாடு இருக்கிறது. மேலும், உள் முரண்களால் இயக்கத்திலிருந்து வெளியேறிய கருணா தன்னைத் தற்காத்துக்கொண்டு கிழக்கு மக்களின் ஆதரவைப் பெறுவதற்காக பிரதேசவாதத்தைத் துாக்கிப் பிடித்தார் என்பது யாவரும் அறிந்த உண்மை. அதை ஏன் சாதிப் பிளவென மாற்றுகிறீர்கள்?

”தேசியமே வெள்ளாளமாகவும் யாழ்பாணியமாகவும் இருந்தபடியால்தான் முள்ளிவாய்க்காலில் வறியமக்களின் உயிரெடுப்பும் நல்லூர்க்கந்தனுக்கு திருவிழாவும் ஒரே நேரத்தில் நடந்தேறியது.”

இதை அபத்தம் என்பதைக் காட்டிலும் பைத்தியகாரப் பேச்சு என்றுதான் சொல்லமுடியும். ஆக, முள்ளிவாய்க்காலில் உயிரிழந்தவர்கள் அத்தனைபேரும் வெள்ளாளர் அல்லாதவர்கள் என்றும் வெள்ளாளர்கள் அத்தனை பேரும் யாழ்ப்பாணத்தில் ஒதுங்கி திருவிழா செய்தார்கள் என்றும் சொல்ல வருகிறீர்கள். வறியவர்களும் தலித்துகளும்தான் வன்னிப் பகுதியில் வாழ்ந்தார்கள் என்று சொல்ல வருகிறீர்கள். வெள்ளாளர்களுக்கும் வெள்ளாளர்கள் என்று தங்களைச் சொல்லிக்கொள்கிற வெள்ளைவேட்டி வெள்ளாளர்கள் வாழ்ந்த வன்னிப் பகுதிகளை நான் அறிவேன். தயவுசெய்து எல்லாவற்றையும் உங்கள் வசதிக்காகத் திரிபுபடுத்த வேண்டாம்.

உங்கள் பேச்சு அயர்ச்சியாக இருக்கிறது. ஆனால், நான் உண்மையின் பக்கம் நிற்கிறேன் என்ற தெளிவினால் அத்தனை சீக்கிரத்தில் சாய்ந்துவிட மாட்டேன். நன்றி.

தமிழ்நதி said...

கிருத்திகன்,

”யாழ்ப்பாணத்து சமூக வரலாற்றில் அம்பட்டர் (நாவிதர்), பள்ளர், நளவர் மற்றும் பறையர் ஆகிய நான்கு சாதியினரையே தீண்டத்தகாதவர்கள் எனக் ஒடுக்கினார்கள். இவர்களுக்கு மேலே படிநிலையில் இருந்த அனைத்துப் பேரும் (அழுத்தம்) இவர்களை ஒடுக்கினார்கள். இதில் கொடுமை இந்தப் படிநிலையில் தீண்டத்தகாதவர்கள் என வரையறுக்கப்பட்ட சாதிகளுக்குள்ளேயே படிநிலைப்படியான ஒடுக்குமுறை இருந்தது.”

என்பது உண்மை. “பஞ்சமர்“போன்ற நாவல்களில் இந்தச் சாதி ஒடுக்குமுறையைக் காணலாம். அது எழுபதுகளில் எழுதப்பட்ட நாவல் என்று நினைக்கிறேன்.

சமூகத்தில் ஆழ வேரோடியிருந்த ஒரு நோயை துப்பாக்கிகள் மீதான பயத்தைக் காட்டியாவது மறைத்து வைக்க முடிந்தது என பொருள் கொள்கிறேன். போராட்டம் முன்னோக்கி நகருங் காலத்தில் அது முற்றாக இல்லாவிடிலும் கணிசமாக ஒழிக்கப்பட சாத்தியங்கள் இருந்தன. ஆக, விடுதலைப் புலிகள் சாதி, பெண்ணடிமைத்தனம், வரதட்சணை இன்னபிற சமூகத்தைச் சீரழிக்கும் வழக்கங்களை மக்களிடமிருந்து களையும் முயற்சியில் இருந்தார்கள். சுகனும் ஷோபா சக்தியும் சொல்வதுபோல புலிகள் சாதியை பாகும் பருப்பும் தேனும் பாலும் ஊற்றி வளர்த்துக்கொண்டிருக்கவில்லை என்ற முடிவுக்கு வருகிறோம்.

நண்டு நொரண்டு,

இனி எப்படியொரு தலைமை அமைந்தாலும் தலைவர் பிரபாகரனைப் போல அமையுமா என்பது ஐயமே... வரும் எவரையும் அவரோடு ஒப்பிட்டுப் பார்ப்பதே தொடரச் சாத்தியங்கள் இருக்கின்றன.

நன்றி ராம்ஜி.

செந்தழல் ரவி said...

சரியான நேரத்தில் சரியான பதிவுக்கா.

தமிழ்நதி said...

நன்றி VR பதில் அளிக்கையில் தங்கள் பெயர் விடுபட்டுப் போயிற்று.

வாங்க செந்தழல் ரவி,

பேசாம இருக்கலாம்னா விடமாட்டேங்கிறாங்க:)))

விஷ்ணுபுரம் சரவணன் said...

சாதியின் அடித்தளம் உளவியல் சம்மந்தப்பட்டது. இது உண்மைகளுக்கு அப்பாற்பட்டு நிலைத்து நிற்பது. நீண்ட காலமாக சாதியின் தொடர்ச்சியான இருப்பு தமிழர்களின் பொது உளவியலில் நிரந்தரமாக ஒரு குண இயல்பு தளத்தை ஸ்தாபித்துவிட்டது//

சுகன்..

சாதியத்தின் அடித்தளம் உளவியல் சம்பந்தப்பட்டது எனும் வரி உளவியல் அடிப்படையில் சாதியத்தின் தோற்றமும் செயல்பாடும் இருப்பதாக சொல்லமுனைகிறது எனில் அது அபத்தம். சாதியம் சார்ந்த உளவியலே கட்டமைப்படுகிறது. சாதியத்தின் பிம்பத்தை குடும்பம் எனும் அமைப்பும் சாதிய தலைவர்களும் அணைந்துவிடாத தீயாக காப்பாற்றி வருகின்றனர். இது உண்மைகளுக்கு அப்பாற்பட்டும் அல்ல அறத்திற்கு அப்பாற்பாட்டு நிற்கிறது. அந்த தீயில்தான் நடப்பு சமுகம் இயங்குவது என்றாலும் ஒரு இயக்கத்தின் செயல்திட்டங்கள் நீங்கள் சொல்வதுபோன்ற ஸ்தாபித்துவிட்ட குண இயல்பை பொதுநிறுத்தி இருக்க கூடாது. மேலும் ஒரு இயக்கத்தின் பிரதான நோக்கத்திற்கு தடையாக இருக்கும் காரணிகளை சரிசெய்யவேண்டியது அவ்வியக்கத்திற்கு உண்டு. புலிகள் அவ்விதமே சாதிய ஒழிப்பை முன்னெடுத்தார்கள் அதில் நிறையும் குறையும் இருக்கலாம். கடைசி கட்ட போரில் புலிகளோடு பெரும் வீதம் இருந்தவர்கள் ஒடுக்கப்பட்ட சாதிகளே என்றும் சொல்லப்படுகிறது. இந்த நிலையில் புலி எதிர்ப்பாளர்களின் சார்பு எதனருகில் இருக்கவேண்டும் என்பதை தனித்து சொல்லவேண்டியதில்லை. புலி ஆதரவுக்கு எதிராய் சாதியத்தை முன்னிருத்தி இரண்டையும் எதிர் எதிர் புறங்களில் நிறுத்துவதில் குறியாக இருந்ததை பல கட்டுரை வழி பார்க்கிறோம். பஞ்சமர் நாவலை முன்னிருத்தியே தமிழகத்தில் ஈழசாதிய விசயங்கள் பேசத்துவங்கின. அது எழுதப்பட்ட காலத்திற்கு பின்னான நிக்ழ்வுகளை பொரும்பாலும் பொருட்படுத்தியதாக தெரியவில்லை. முன்முடிவுகளோடு அணுகும் போக்கினால் உண்மையின் அருகில்கூட போகமுடியாது.

ஆந்தையன் said...

தோழர்களே மூன்று நான்கு வருடங்களுக்கு முன்பாகவே புலிகளின் சாதிவெறி மனோபாவத்தை தோலுரித்து ஷோபாசக்தி வசந்தத்தின் இடிமுழக்கம் என்கிற கட்டுரையை எழுதினார். அதை ஷோபா எழுதிய காலத்தில் அருள் எழிலன் போன்ற இதழியலாளர்கள் ஷோபாவை ஆதரித்து திரிந்தவர்கள். புலிகளோ, அருள் எழிலன் போன்ற திடீர் புலிக ஆதரவாளர்களோ ஷோபாவின் அந்த கட்டுரைக்கு இன்றுவரை கள்ளமவுனம் சாதித்து வருகிறார்கள்.

அரசியலற்ற அறிவுகொண்ட தமிழ்நதியோ, பிரியாவோ இவ்வாறான கட்டுரையை எழுதுவதும், அதை எழுதிவிட்டு தங்களை தாங்களே முதுகில் தட்டி கொடுத்துகொள்வதும் ஆச்சரியமல்ல. எல்லாம் தெரிந்த அருள் எழிலன் போன்றவர்களும் இந்த மோசடிக்கு துணைபோவது அறமற்ற செயல்.

தமிழ்நதி said...

ஐயா ஆந்தையன் அவர்களே,

உங்கள் வரவை எதிர்பார்த்தேன்.தாமதித்தே முகம் மறைத்து வந்திருக்கிறீர்கள். முதலி்ல் உங்களுக்கு ஒன்று சொல்லிக்கொள்ள விரும்புகிறேன். இந்தக் கட்டுரையின் உள்ளடக்கம் அரசியல் சார்ந்ததே. சாதிய அரசியல். இதில் அரசியலற்ற தன்மையை எங்கு கண்டீர்கள்? இந்த உலகில் அரசியல் கலவாத ஒன்றை உங்களால் காண்பிக்க இயலுமா? அனைத்தின் அடியிலும் அரசியல் ஓடிக்கொண்டிருக்கிறது. மேலும்,ஒருவரை அரசியல் அறிவுள்ளவர், அறிவற்றவர் என்று எந்த அளவுகோலை வைத்துக் கணக்கிடுகிறீர்கள்? நியாயமான வாதங்களை எதிர்கொள்ள முடியாமல் தனிமனிதர்களது அறிவைக் கேள்விக்குட்படுத்துவதன் வழியாக உங்கள் தரப்பை நீங்களே நியாயப்படுத்திக்கொள்ள முயலுகிறீர்கள் போலும். இதைத்தான் முத்திரை குத்திச் சாய்ப்பது என்பது. பிரியாவுக்கும் எனக்கும் குறைந்தபட்சம் முகத்தைக் காட்டிப் பேசுகிற தைரியம் இருக்கிறது. அதன் பெயர் துணிச்சலான அரசியல். உங்களிடம் அந்தத் தார்மீகப் பண்பைக் காணமுடியவில்லையே...? அதன் பெயரும் அரசியல்தான். கபட அரசியல்.

இனி அருள் எழிலனைப் பற்றி, “எல்லாம் தெரிந்த“என்ற வார்த்தைகளின் மூலம் அவரை இதற்கு எதிர்வினையாற்ற முடியாமல் செய்ய நினைத்திருக்கும் உள்ளரசியல் புரிகிறது. ஷோபா சக்தியை ஒரு காலத்தில் அவர் ஆதரித்திருக்கலாம். சார்புநிலையில் இருந்திருக்கலாம். உண்மை தெரிந்த பிற்பாடு அவர் தனது சார்புநிலையை மாற்றி ஷோபாவை எதிராகப் பேச ஆரம்பித்திருக்கலாம். ஒருவர் தனது இனத்திற்கு விரோதமாகச் செயற்படுகிறார் என்று அறிந்த பிற்பாடும் அவரை ஆதரித்துப் பேச அருள் எழிலன் என்ன.... வெற்றிடத்தில் நீங்களே உங்கள் பெயரைப் பூர்த்தி செய்துகொள்ளுங்கள்.

ஆக, பெண்கள் என்றால் அரசியல் அறிவு அற்றவர்கள் என்ற உங்கள் முன்தீர்மானத்தை நீங்களே வழிமொழிந்திருக்கிறீர்கள்.நன்று.

ஆந்தையன் said...

தமிழ்நதி. நீங்கள் அரசியலறிவு அற்றவர் என்பது முன் தீர்மானம் அல்ல. முடிவான தீர்மானம். அறிவு ஆண் பெண் இருபாலானோருக்கும் பொதுவானது. ஆண்களிலும் அறிவற்றவர் இருக்க முடியும். விஷ்ணுபுரம் சரவணன் மாதிரி.

இந்த பிரச்சினையை விடுவோம்.

ஷோபாசக்தி எழுதிய வசந்தத்தின் இடிமுழக்கம் கட்டுரையை வாசித்து இருக்கிறீர்களா. ஈழ அரசியல் அறிவு நிரம்பியவர் எவரும் அக்கட்டுரையை வாசிக்காமல் இருந்திருக்க முடியாது. நீங்கள் நிச்சயம் வாசித்திருக்க வாய்ப்பில்லை. இணையத்தில் கிடைத்தால் வாசித்து, பின்னர் புலிகளின் சாதிய சமத்துவம் குறித்து பேசுங்கள்.

அந்த குறிப்பிட்ட கட்டுரை ஆதாரங்களோடு புலிகளின் சாதியரசியல் அயோக்கியதனத்தை அம்பலப்படுத்துகிறது.

yogaraj said...

அன்புள்ள தமிழ்ந்தி,

புலிகளின் மேன்மை பற்றிய எந்தப் பதிவும் பரவசம் கொள்ளச் செய்வதாகவே இருக்கிறது.

நான்றிந்த வரை உலகில் இதுவரை தோன்றிய மேலான புரட்சி இயக்கங்களில் விடுதலைப் புலிகளுக்கு நிகரான புரட்சி இயக்கம் வரலாற்றில் இல்லை என்பதே என் எண்ணமாக இருக்கிறது.

புலிகளின் தியாகம், புலிகளின் ஒழுங்கு, புலிகளின் கட்டமைப்பு, புலிகளின் கல்வி, புலிகளின் பயிற்சி இவையாவும் உலகின் புரட்சி இயக்கங்களுக்கு ஒரு பாடமாகும்.

ஆனால் ஒரு பெரும் சோகமாக இவைகள் எதுவும் ஆவனமாக இல்லை. விடுதலைப் புலிகளைப் பற்றி இங்கிருக்கிற யாரோ சிலர் கேள்விப்பட்டு எழுதிய சில சுமாரான புத்தகங்களே இருக்கின்றன.

விடுதலைப் புலிகளின் தலைவர் பிரபாகரனைப் பற்றிய புத்தகங்களும் இங்கு சுமாரானதும் சாதாரணமானதுமாகவே இருக்கின்றன.

இயக்கம் கட்டமைப்பதற்கு புலிகள் அற்பணித்த உழைப்பில் நூற்றில் ஒரு பங்கு உழைப்பை,அவர்களின் பக்கம் இருந்த நியாயத்தை, அவர்களிடம் இருந்த சத்தியத்தை உலகத்தை நோக்கிப் பேசும் நபர்களை உருவாக்குவதில் செலவளித்திருந்தால் அவர்கள் தோல்வியடைந்திருக்க மாட்டார்கள் என்றே படுகிறது.

இன்றும் அதைப்பேசுபவர்கள் குறைவாக இருப்பதாலேயே ஷோபா சக்தி போன்றவர்கள் வெற்றி பெற்றுக்கொண்டே இருக்கிறார்கள்.

தங்களைப் போன்ற யாராவது இயக்கத்தின் பல நூறு மேன்மையான விஷயங்களை தொகுப்பதில் கவனம் செலுத்தினால் குறைந்த பட்சம் புலிகளின் மீது பூசப்படுகின்ற சேற்றையாவது துடைதெறிய முடியும்.

ஆவன செய்யுங்கள் தமிழ் நதி

தமிழ்நதி said...

ஆந்தையன் என்ற அடிவருடிக்கு,

வெளியில் கிளம்பிக் கொண்டிருக்கிறேன். வந்து உங்களுக்குப் பதில் சொல்கிறேன். உங்கள் முகத்தைக் காட்டும்வரை தனிப்பட்ட தாக்குதலைத் தாங்கிய தங்கள் பின்னுாட்டம் வெளியிடப்பட மாட்டாது என்பதை வருத்தமில்லாமல் சொல்லிச் செல்கிறேன்.
அரங்குக்கு வந்தால் ஆடித்தான் ஆகணும். பொய்முகத்தைக் களைந்து உங்கள் உண்மை முகத்தைக் காட்டுங்கள். ஒருவேளை அப்படியொரு “உண்மை“முகம் உங்களுக்குக் கிடையவே கிடையாதோ....?

மார்க்ஸியத்திற்கு மார்க்ஸ் போல ஈழஅரசியலுக்கு ஷோபாதான் பிதாமகனா? ஆனாலும், இது ரொம்ப ஓவர்.

Anonymous said...

அய்யா ஆந்தையாரே? நீர் முதலில் வெளிப்படியாக வாரும். எப்போதும் நான் ஷோபாசக்தியை ஆதரித்துத் திரிந்ததில்லை. அவரது குருவான அ,மார்க்ஸை பல் வேறு விஷயங்களில் இப்போதும் ஆதரிக்கிறேன். ஷோபாவைப் போலல்ல ஈழ விஷயத்திற்கு அப்பால் அவரிடம் பல நியாயமான அரசியல் கருத்துக்கள் உள்ளன. ஷோபாவின் பின்னால் திரிந்தேன் என்பதெல்லாம் கொஞ்சம் ஓவர். ஷோபா மட்டுமல்ல எவர் பின்னாலும் அலைவது எனக்குப் பிடிக்காது எனது மூதாதையர் அப்படி அலைந்தவர்கள் தான். மற்றபடி ஒருவரை புத்திசாலியாகக் கட்டி ப்ரியாவையும், தமிழ் நதியையும் இழிப்பதை நான் ஏற்க மாட்டேன். ப்ரியா என் நெருங்கிய தோழி. அரசியல் ரீதியாகவும். தமிழ்நதியின் பல வேதனையான குரல்களை இன்னொரு தளத்தில் நான் பிரதிபலிக்கவே செய்வேன். ஆந்தையாரே வெளிப்படையாக வாரும்.

டி.அருள் எழிலன்.

ஆந்தையன் said...

இங்கே பின்னூட்டம் போட்டவர்கள் அனைவருக்கும் முகம் இருக்கிறதா தமிழ்நதி?

புலிகளை வாழ்த்துபவர்களுக்கு முகமில்லா விட்டாலும் பரவாயில்லை. எதிர்ப்பவர்களுக்கு முகம் அவசியம் என்கிற கருத்தை நீங்கள் கொண்டிருப்பதாக எடுத்துக் கொள்கிறேன்.

உங்களை ஏன் அரசியல்தன்மையற்ற மொன்னையான புரிதல் கொண்டவராக நான் பார்க்கிறேன் என்பதற்கு இதுவும் ஒரு கூடுதல் காரணம்.

எந்த காலத்திலும் நீங்கள் சரியான அரசியலை புரிந்துகொள்ள வாய்ப்பு இருப்பதாக தெரியவில்லை. அதற்கான அறிவோ, உழைப்போ உங்களிடம் கொஞ்சமும் தென்படவில்லை. திடீர் புகழ் ஒன்றினையே நோக்கமாக கொண்டு செயல்படும் எவரும் உங்களை மாதிரிதான் இருப்பார்கள். மழைக்கால காளான்களாய் தோன்றி வெயில் வந்ததும் மறைந்துவிடப் போகிறது உங்கள் தற்காலிக புகழ்.

இந்த பின்னூட்டத்தையும் நீங்கள் மட்டுறுத்தலாம். ஏனெனில் எந்த தர்க்கரீதியான வலுவான வாதம் இல்லாத உங்களால் இதைதான் செய்யமுடியும்.

ஸ்டாலின் குரு said...

அற்புதமான கட்டுரை. புலிகளைப் பற்றித் தவறான கற்பிதங்களைப் பொதுமக்களிடையில் பரப்புவதையே தொழிலாகக் கொண்டதோர் கூட்டமொன்று இங்கே உலவும் நிலையில் விரிவான உங்கள் கட்டுரை அகவிழி திறக்கச் செய்கிறது. தொடர்ந்து இந்தப் பணியை நீங்கள் செய்ய வேண்டும்.//

வழிமொழிகிறேன் ...

ஸ்டாலின் குரு said...

http://stalinguru.blogspot.com/2009/08/blog-post_12.html

நீண்ட காலத்துக்கு முன்பு எழுதிய இந்த பதிவை நினைவூட்ட விரும்புகிறேன்

விஷ்ணுபுரம் சரவணன் said...

அரசியலற்ற அரசியல்.....
திடீர்புலிஆதரவு.....கள்ளமெளனம்.............என்னது மீண்டும் கவுச்சி வாசமடிக்கிறது.

ஸ்டாலின் குரு said...

திருமாவளவன் பற்றிய பகுதிகளோடு மட்டும் முரண்படுகிறேன்.

தி.மு.கவின் அன்றைய திராவிட தேசியம் இன்றைய திருமாவின் தமிழ்தேசியம் இரண்டும் ஆளும் வர்க்கத்துகானது.

தாங்கள் கைப்பற்றிக்கொண்ட அல்லது ஏற்று நடித்த தேசி இன கோரிக்கை அதன் உள்ளடக்கம் வலியுருத்தியதற்க்காக

சில சமூக தளங்களில் மேற்பூச்சு பூசுகிற வேலையையாவது திராவிட கட்சிகள் செய்தார்கள்.திருமாவிடம் அதையும் எதிர்பார்க்க முடியாது.அதிகாரத்தை கைப்பற்ருவாரா என்பதும் கேள்விக்குறியான விசயம்தான்.



மேலும் முத்துக்குமாரை நினைவூட்டுகிறேன்...

விஷ்ணுபுரம் சரவணன் said...

இனிய நண்பன் ஸ்டாலின் குருவின் கட்டுரையின் சில வரிகள் இவ்வுரையாடலுக்கு பொருத்தமாயிருக்குமென நம்புகிறேன்.

ஸ்டாலின் குரு..

ஒரு மூன்றாம் உலக நாட்டில் ஜாதி ஒழிப்பு பற்றி ஒரு
தேசிய விடுதலை அமைப்பின் திட்டமென்பது,அமைப்பில்
சாதியத்தை முற்றாக நிராகரிப்பது,சாதியத்துக்கு எதிரான
கருத்தியல் பரப்பலை சமூகத்தில் மேற்கொள்வது,நீண்டகால
பொருளாதார நிர்மாண திட்டங்களை மேற்கொண்டு
நிலபிரபுத்துவ உறவுகளை ஒழிப்பதன் மூலம் சாதிய
நிலவுதலுக்கான வெளியை ஒழிப்பது ஆகியவைகளாகத்தான்
இருக்க முடியும்.

அந்த வகையில் புலிகள் சாதி,மத,தாலி மறுப்புத்
திருமணங்களை அமைப்புக்குள்ளும் சமூகத்திலும்
நடத்திவைத்தும் ஊக்குவித்து வந்திருக்கிறார்கள்,கருத்துப்
பரப்பலை மேற்கொள்வதில் புலிகள் தீவிரமாக ஈடுபடவில்லை
என்பதும் அதில் போதாமைகள் நிலவின என்கிற குற்றசாட்டை
ஒப்புக்கொள்ளலாம்.

தேசப்பொருளாதாரத்தை தங்கள் கட்டுப்பாட்டில் வைத்துக்
கொள்ளும் நோக்கத்திலேயே கடைசிவரை புலிகள்
போராடிக்கொண்டிருந்தார்கள் என்பது மிக தெளிவாக
இன்றைக்கு வெளிப்பட்டிருக்கிறது.இது சாதிய ஒதுக்கலுக்கு
எதிரான விடயங்களில் பொருளாதாரக் கட்டுமானம் செலுத்தும்
பாத்திரம் பற்றிய புரிதல் புலிகளுக்கு இருந்ததையே
காட்டுகிறது.கட்டளையிட்டோ,சட்டங்கள் இயற்றியோ
உடனடியாக தீர்த்துவிடமுடியாத சாதிய ஒழிப்பில்,
சாத்தியமான ஒரு திட்டம் இத்தகைய கூறுகளையே
கொண்டிருக்க முடியும்.

அந்த வகையில் புலிகள் சரியான திசையில் சென்றதையும்
தனி ஈழம் தலித்துகளுக்கான சிறையாக மாற முடியும்
என்பது போன்ற கற்பனாவாத கருத்துக்களை வெளியிடுபவர்களுக்கு
எதிராக செயல்ரீதியான பதிலை அவர்கள் வழங்கிக்
கொண்டிருந்தார்கள் என்பதையும் நம்மால் உணர முடிகிறது.

vijayshanmugam said...

ஆந்தையாரே! உங்களது அந்தோணியின் 'தலித்' முகம்தான் இன்று பல்லிளித்துக் கிடக்கிறதே! பிரபாகரனை வெள்ளாலர் என்று ஷோபாவும், அ.மார்க்சும் கூறிய பொய்களும் இன்று இணையத்தில் சிரிப்பாய் சிரிக்கிறது. போனவருடம் வரை சென்னைக்கு வந்தால் அட்டகாசம் பண்ணும் சோபா சக்தி இந்த வருடம் பெட்டிப் பாம்பாய் அடங்கி இருந்ததும் அதனால்தான். இன்னும் நிறைய உண்மைகள் வெளிச்சத்திற்கு வரத்தான் போகிறது.

vijayshanmugam said...

ஒரு வேளை இந்த ஆந்தை, ஆனந்த விகடனில் வேலை பார்க்கும் அல்லக்கையாக இருக்குமோ? தமிழ்நதி! ஆந்தையின் IP address கொடுத்தீர்கள் என்றால் கண்டுபிடித்துச் சொல்வேன்

அன்பென்று கொட்டு முரசே said...

அப்பப்பா, ஒரு பொது எதிரியை எதிர்க்கும் தருணத்தில், நம்மில் பிளவு கொண்டு, நண்டு மனோபாவத்துடன் நம்மை நாமே காலை வாரிக் கொண்டு எத்தனை நாள் இழிவைப் பூசிக் கொள்ளப் போகிறோம்? புலிகளை விமர்சித்துத் திரியும் நேரமல்ல இது. அரசியல் பெருச்சாளிகள் தம் வசதிக்காகத் திரிக்கும் வரலாற்றை நாமும் மேலும் திரித்து, மக்களுக்குப் பொய்யானதொரு வரலாற்றைப் பரத்தக் கூடாது. தமிழனின் மேன்மையான பண்புகள் அனைத்தும் இத்தகைய ஒரு இழி குணம் காரணமாகவே சிதைந்து போவதைப் பார்க்கும்போது தமிழ் சொல்வது போல சலிப்பாகத்தான் இருக்கிறது. ஆனாலும் இறுதி மூச்சுள்ள வரை நம் வலிமை முழுதையும் திரட்டிப் போராட வேண்டும். புலிகள் கற்றுத் தந்த பாடம் இதுதான்.

தமிழ்நதி said...

ஆந்தையனுக்கு,

ரொம்பவுந்தான் கொதித்துப் போய் பேசுகிறீர்கள் என்பதனால் உங்கள் முகமற்ற பின்னுாட்டத்தை இங்கு அனுமதித்திருக்கிறேன்.

அரசியல் அறிவு என்பதை பிறக்கும்போதே தலைக்குள் வைத்துக்கொண்டு ஒருவரும் பிறப்பதில்லை. அது படிப்பதனாலும் பட்டறிவினாலும் வாழும் சூழலாலும் அமையப்பெறுவது. அது எல்லோருக்கும் சாத்தியமான ஒன்று என்பதை நீங்கள் தெரிந்துகொள்ளவேண்டும். நீங்கள் பிறக்கும்போதே “பெரியார்... ”என்று சொல்லிக்கொண்டா பிறந்தீர்கள்? ஷோபா சக்தி பிறக்கும்போதே “மூலதனம்“என்று உச்சரித்துக்கொண்டா பிறந்தார்? உங்களுக்குத் தேவையானபடி ஆட்களின் அறிவைத் தகவமைத்துக் கொள்ள முயலுகிறீர்கள். இப்போது நாலாபக்கமிருந்தும் உங்கள் மீதும் உங்கள் எசமானர்மீதும் தாக்குதல்கள் தீவிரமாகியிருக்கும் நிலை உங்களைப் பதட்டப்படுத்தியிருக்கிறது. மேலும், உங்கள் தரப்பிலுள்ளவர்கள் தனிப்பட்ட இலாபங்களுக்காக விடுதலைப் புலிகளை எவ்வாறெல்லாம் கேவலப்படுத்தி உங்கள் கபட அரசியலை நகர்த்திச் சென்றீர்கள் என்பதை கீற்று இணையத்தளம் மற்றும் வளர்மதி அம்பலமாக்கியிருக்கும் நிலையில் பலவீனமான இரை ஒன்றைப் பார்த்து அடிக்க வேண்டியிருக்கிறது. அதனால், என்னை “அரசியல் அறிவு“அற்றவராகச் சித்தரிக்க வேண்டிய நிலைக்கு நீங்கள் தள்ளப்பட்டிருக்கிறீர்கள். உங்களை நினைத்தால் “ஐயோ பாவம்”என்றிருக்கிறது. நிலைமையைச் சமாளிக்க முடியாமல் இப்படியாக தனிப்பட்ட தாக்குதலைத் தொடுத்து தரந்தாழ்ந்து போவீர்கள்!!! நீ்ங்களோ உங்கள் சோ கால்ட் எசமானரோ ஏன் வளர்மதியின் கேள்விகளுக்குப் பதில் அளிக்காமல் கள்ளமௌனம் சாதிக்கிறீர்கள் என்பதைச் சொல்லமுடியுமா? உங்களால் ஏன் வெளிப்படையாக உங்கள் பெயரில் வந்து பேச முடியவில்லை என்பதற்கு விளக்கம் கொடுக்க முடியுமா? நானே சொல்கிறேன்... உங்கள் பக்கத்தில் உண்மையில்லை. நீங்கள் நேர்மைக்கு எதிரான பக்கத்தில் நின்றுகொண்டிருக்கிறீர்கள்.

மேலும், உங்களுக்கு இத்தனை எசமான விசுவாசம் ஆகாது.

”ஷோபாசக்தி எழுதிய வசந்தத்தின் இடிமுழக்கம் கட்டுரையை வாசித்து இருக்கிறீர்களா. ஈழ அரசியல் அறிவு நிரம்பியவர் எவரும் அக்கட்டுரையை வாசிக்காமல் இருந்திருக்க முடியாது.” என்கிறீர்கள்.

அந்தக் கட்டுரையில் இடம்பெற்ற சில வரிகளை வாசித்துப் பார்த்து எதால் சிரிப்பது இன்னமும் யோசித்துக்கொண்டிருக்கிறேன்.

அந்த இரு முக்கியமான கேள்விகளுக்கும் சேர்த்துத் தங்கவடிவேல் மாஸ்ரரும் ஒரு அதிமுக்கியமான பதிலை இவ்வாறு சொன்னார்: “எனக்கு இப்போது எழுபத்தியிரண்டு வயதாகிறது, என்றாலும் கூட எனக்கு இன்னமும் உயிர் மேல் ஆசையிருக்கிறது, நான் இந்தக் கருத்தரங்கத்தை முடித்துக்கொண்டு மீண்டும் யாழ்ப்பாணத்திற்குத்தான் செல்லவேண்டியிருக்கிறது.”

இட்டுக் கட்டுவது, இடைவெளி நிரப்புவது என்றெல்லாம் தமிழில் வார்த்தைகள் உள்ளன. அது உங்காளுக்கு நன்றாகக் கைவந்திருக்கிறது. “வசந்தத்தின் இடிமுழக்கம்“கட்டுரையில் கீழ்க்கண்டவாறு திருவாய் மலர்ந்தருளியிருக்கிறார்.

"இதன் சுருக்கம் புலிகள் யாழ்பாணச் சமூகக் கட்டமைப்பைப் புரட்டுவதற்குப் பதிலாக யாழ்ப்பாணச் சமூகத்தின் நாடி பிடித்து ஓடினார்கள் என்பதாகும். யாழப்பாணச் சமூகத்தின் நம்பிக்கை முறைகளுக்கு ஊறுசெய்யாமல் ஒதுங்கிக்கொண்டார்கள் என்பதாகும். இங்கு யாழ்ப்பாணச் சமூகத்தின் நம்பிக்கைகள் என்று அடேல் குறிப்பிடுவது சாதிய நம்பிக்கைளைத் தவிர வேறெதுவாகயிருக்க முடியும்? சாதியத்தைத் தவிர்த்து யாழ்ப்பாணச் சமூகத்திற்கு வேறெதும் தனித்துவமான நம்பிக்கைகளோ அரசியல் உணர்வுகளோ கிடையவே கிடையாது.

தமது இயக்கத்திற்கான அரசியற் பொருளாதார நலன்களைப் பெற்றுக்கொள்வதைத் தவிர்த்து விடுதலைப் புலிகளிடம் தமிழ் மக்கள் நலன்கள் சார்ந்த வேறெந்த வேலைத்திட்டமும் கிடையாது.

சாதியமும் புலிகளும் என்று பேசும்போது இங்கே நாம் காய்தல் உவத்தலின்றி இன்னொரு முக்கியமான விடயத்தையும் பேசவேண்டும். ஈழத்தமிழர்களுடைய வரலாற்றில் தோன்றிய அனைத்து மைய அரசியற் கட்சிகளிற்கும் இயக்கங்களிற்கும் இதுவரை ஈழத்தின் முதன்மை ஆதிக்கசாதியினரான வெள்ளாளர்களே தலைமை தாங்கியிருக்கிறார்கள். வரலாற்றிலேயே முதற் தடவையாக விடுதலைப் புலிகள் இந்த விதியை உடைத்தெறிந்திருக்கிறார்கள். விடுதலைப் புலிகளின் தலைமை வெள்ளாள நீக்கம் செய்யப்பட்டது."

தன்னைத்தான் பிடித்துக்கொடுப்பது என்பது இதைத்தான். தன்னோடு முரண்படுவது என்பதும் இதைத்தான்.

தமிழ்நதி said...

ஐயா ஆந்தையாரே,

ஆக, ஷோபா சக்தியை வாசிக்காதவர்கள் எல்லோரும் ஈழத்து அரசியல் அறிவு அற்றவர்கள். அல்லது ஈழ அரசியல் அறிவு நிரம்பியவர் எவரும் அவரது கட்டுரையை வாசிக்காமல் இருந்திருக்க முடியாது. ரொம்பத்தான் அலட்டிக்கொள்கிறீர்கள். ஷோபா சக்தியை வாசிக்காமல் இருப்பது இன்னமும் ஆரோக்கியமான விசயம். ஒருவர் தி்ட்டமிட்டு ஒரு விடுதலைப் போராட்டத்திற்கெதிரான பரப்புரையைத் தொடர்ந்து செய்வதன் வழியாகத் தனது இனத்தையே பேரினவாதத்திடம் விற்றும் விட்டும் கொடுக்கிறார். அந்தக் கழிவுகளை நாங்கள் வாசித்து பேரறிவு அடையவேண்டுமாக்கும். அவருடைய புனைவுகள் குறித்து எனக்கு மரியாதை இருக்கிறது. அவருடைய எழுத்தாற்றலைக் குறைசொல்வதற்கில்லை. அதற்காக, அவருடைய அரசியல் நிலைப்பாட்டை விமர்சனங்களற்று அப்படியே விழுங்கிக்கொள்ள வேண்டிய தேவையில்லை.

ஐயா ஆந்தையாரே,

எனக்குத் திடீர் புகழில் ஆசையில்லை. அப்படிப் பெறும் புகழ் நின்று நிலைக்கும் என்று நம்பிக்கையும் இல்லை. நான் வெளிப்படாமல் போனாலும், ஏறத்தாழ பதினான்கு ஆண்டுகளாக எழுதிக்கொண்டிருக்கிறேன். எழுத்தின் ஆன்மாவை இதயசுத்தியோடு தொடர்ந்துகொண்டிருப்பவள் நான். எனக்கு மலினமான புகழில் நாட்டமில்லை. உங்களைப் போல பிழைப்புக்காக நான் என்னை அடகுவைத்துக்கொண்டவளுமில்லை. உங்களைக் காட்டிக்கொடுக்க “மொன்னை“என்ற எழுத்துப் பிழை ஒன்றே போதுமே ஐயா. அது மொன்னை இல்லை... அதற்கு மூன்று சுழிகள் போடவேண்டும் என்ற சிற்றறிவுகூட இல்லாத நீங்கள் என் அறிவைப் பற்றிப் பேசப் புறப்பட்டிருப்பதை என்னவென்று சொல்ல?

என்னதான் உருட்டுப் புரட்டுகள் செய்தாலும் உண்மை என்ற ஒன்று இருக்கிறது ஆந்தையாரே... இருளில் வாழ்கிற, அல்லது கண்களை மூடிக்கொண்டிருக்கிற உங்களுக்கு விடிந்தாலென்ன? விடியாமல் போனால்தான் என்ன...? ஒளி உங்களை ஒருபோதும் சீந்தாது.

யுவபாரதி said...

முக்கியமான கட்டுரை தமிழ்நதி! சாதி ஒழிப்பையும், தமிழின விடுதலையையும் ஒன்று சேர்த்து முன்னெடுத்த புலிகளின் மீது புளுகு பூசி அவதூறு செய்வதையே ஆகப்பெரிய கடமையாகச் செய்து வந்த ஷோபா ஷக்திகளின் முகபடாம் கழன்றிருக்கிறது. இத்தகையோரின் தாய்த் தமிழக அறிவுஜீவிப் பின்புலமாய் விளங்கும் அமார்க்சியர்களின் அரசியலும் வெளிப்பட்டிருக்கிறது. வெளிச்சத்தில் வெளியே வராத, வந்தாலும் பார்க்க முடியாத ஆந்தையர்களுக்கெல்லாம் எதிர்வினை தேவையா எனத் தோன்றுகிறது. பதிவுக்கு நன்றி. தொடர்க.

தமிழ்நதி said...

விஜய் சண்முகம்,

நீங்கள் நினைப்பது சரிதான். ஆந்தையின் அலுவலகத்தில் நீ சொந்தப் பெயரில் எழுதக்கூடாது என்று சொல்லியிருப்பார்கள் போல... அதனால், ஆந்தையாக வந்து தனது வட்டக் கண்களை அகல விரித்து நம்மை எரிக்கப் பார்க்கிறது. அதன் “மொன்னை“யை விட வேறென்ன வேண்டும் அதைக் காட்டிக் கொடுப்பதற்கு? சரவணனையும் அரசியல் அறிவற்றவர் என்று சொல்லியிருக்கிறது. பாவம்... ரொம்பவும் நொந்துபோயிருக்கும் என்று நினைக்கிறேன். தனது கோபத்தை, முகமூடி போட்டுக்கொண்டு வந்து சாமியாடிக் கொட்டுகிறது. பல வழிகளாலும் ஒதுக்கப்படும்போது ஏற்படக்கூடிய கோபத்தை நீங்கள் புரிந்துகொள்ள வேண்டும்:)))

யோகராஜ், அந்த வரலாற்றை எழுதுவதற்கு என்னைவிடவும் தகுதியான பலர் அந்த மண்ணில் இருக்கிறார்கள். அவர்கள் எழுதுவார்கள் என்று எதிர்பார்க்கிறேன். புலம்பெயர்ந்து வாழ்பவர்களைக் காட்டிலும், விடுதலைப் புலிகளின் உயர்வு, வீழ்ச்சியின்போது அருகிருந்து பார்த்தவர்கள் எழுதுவதே பொருத்தப்பாடுடையதாக இருக்கும்.

நன்றி ஸ்டாலின் குரு.

”தி.மு.கவின் அன்றைய திராவிட தேசியம் இன்றைய திருமாவின் தமிழ்த்தேசியம் இரண்டும் ஆளும் வர்க்கத்துக்கானது.” என்ற உங்கள் கருத்தோடு உடன்படுகிறேன்.

சரவணன்,

ஆந்தையின் முகமூடி கிழிந்து தொங்குகிறது. விஜய் சண்முகத்திற்கு I.P.address எடுத்துக் கொடுத்து உறுதிசெய்துகொள்ளலாம்.

நன்றி அன்பென்று கொட்டுமுரசே,

”புலிகளை விமர்சித்துத் திரியும் நேரமல்ல இது. அரசியல் பெருச்சாளிகள் தம் வசதிக்காகத் திரிக்கும் வரலாற்றை நாமும் மேலும் திரித்து, மக்களுக்குப் பொய்யானதொரு வரலாற்றைப் பரத்தக் கூடாது.”

புலியெதிர்ப்பாளர்களின் ஒரே எதிரி விடுதலைப் போராட்டந்தான். அவர்களது பொது எதிரி, தனிப்பட்ட எதிரி எல்லாமே விடுதலைப் புலிகள் இயக்கத் தலைமையும் அதன் போராளிகளும் ஆதரவாளர்களுந்தான். அவர்களது நண்பர்கள்... அது நமக்கெல்லாம் தெரியும்.

Anonymous said...

nanri

சின்னப்பயல் said...

அங்க இன்னும் தமிழ்ச்சாதின்னு ஒண்ணு இருக்கான்னு கேட்டு
சொல்லுங்க,பிறகு பேசலாம் அவங்ககிட்ட சாதி இருந்ததா இல்லயான்னு,,,,
////சிங்களவர்களின் குண்டுகள் தமிழர்களையே கொன்றது தவிர வேறெந்த ஏற்றத்தாழ்வுகளையும் அவை பிரித்துப்பார்த்ததில்லை என்பதை அறிவோம்//////

விஷ்ணுபுரம் சரவணன் said...

அறிவு ஆண் பெண் இருபாலானோருக்கும் பொதுவானது. ஆண்களிலும் அறிவற்றவர் இருக்க முடியும். விஷ்ணுபுரம் சரவணன் மாதிரி.///

ஒரு ஆணை அறிவ‌ற்ற‌வன் என‌ சொல்ல‌நேரிடும்போது அறிவு என்ப‌து ஆண்,பெண் இருவ‌ருக்கும் பொதுவான‌து என‌ சுற்றி வ‌ளைப்ப‌தும், ஒரு பெண்ணை சொல்லும்போது நெற்றியில் அடிப்ப‌தை போல‌ சொல்வ‌தும் என்ப‌தாக‌ இருக்கு உங்க‌ளின் புரித‌ல்நிலைப்பாடு அடுத்து திருந‌ங்கை ஒருவ‌ரை அறிவ‌ற்ற‌வ‌ர் என்று சொல்லும்போது என்ன‌ சொல்வீர்க‌ள் ப‌டிக்க‌ ஆவ‌லோடு காத்திருக்கிறேன்.என‌க்கு என்னவித‌மான‌ அறிவு இருக்கு என்ப‌தை ஏற்க‌ன‌வே க‌விச்சி வாச‌ம் ப‌ட‌ர‌ சொல்லியிருந்த‌னே. ம‌றுப‌டியும் முத‌லில் இருந்தா... அற‌த்திற்கு எதிராக‌ சிந்திப்ப‌தும், செய‌ல்ப‌டுவ‌துதான் அறிவு என்று நீங்க‌ள் நினைத்துகொண்டிருந்தால் அய்யா.. சாமி.. நான் மூளை என்ற‌ உறுப்பே இல்லாத‌ விசித்திர‌ ம‌னித‌னாக‌ இருந்து தொலைத்துவிடுகிறேன்.


அப்புற‌ம்.. ஷோபா ச‌க்தியை ம‌ட்டும் ப‌டித்துகொண்டிருந்தால் ம‌ட்டும் போதாது. அத‌ற்கு ப‌திலாக‌ ய‌முனா உள்ளிட்ட‌ ப‌ல‌ர் எழுதியிருப்ப‌தையும் ப‌டிக்க‌வேண்டும். [அவ‌ற்றை நாம்ப‌டிக்க‌வில்லை என்றால் யாருமே ப‌டித்திருக்க‌மாட்டார்க‌ள் எனும் உங்க‌ள் ந‌ம்பிக்கைதான் இந்நூற்றாண்டின் பெரும் மூட‌ ந‌ம்பிக்கை]

தமிழ்நதி said...

சரவணன்,

இந்த ஆந்தையின் ஆணாதிக்க அறிவுத் திமிர் குறித்து ஏற்கெனவே தனியானதொரு கட்டுரை வெளிவந்திருக்கிறது. நீங்கள் படிக்கவில்லையா? அதன் சுட்டியை தனிமடலில் உங்களுக்கு அனுப்பிவைக்கிறேன். உள்ளுக்குள் நரகல், வெளிக்கு பெருந்தன்மைப் பாவனை... இதுதான் இவரது குணாதிசயம்.

ஜோதிஜி said...

மனதுக்கு நிறைவாய் உணர்கின்றேன்.

ஜோதிஜி said...

வெங்காயம் உரிக்க உரிக்க ஒன்றுமே இல்லாமல் போவது போலத்தான் இவரும்.

ஜோதிஜி said...

அவர் தன்னளவில் நியாயமானவர். அதை எதிரிகளும் அறிவர்

இதை நீங்க வார்த்தைகளில் சொல்லீட்டிங்க. விடுதலைப்புலிகளால் பாதிக்கப்பட்ட ஈழத்து நண்பரே பிரபாகரன் குறித்து இப்படித்தான் என்னிடமும் சொன்னார். இது ஒன்றே போதுமே?

kalayanasundaram said...

ஆனந்த விகடன், ip address என்று பேசியதும் ஆந்தை காணாமல் போய்விட்டது. நண்பர்கள் சந்தேகப்பட்டது உண்மைதான். பார்ப்பனர்களின் பத்திரிக்கையில் வேலை பார்த்துக் கொண்டு, வேளாளன் சோபா சக்திக்கு வால் பிடிக்கும் இந்த மண்ணாந்தைகளுக்கு எதிராக நாம் செயல்பட்டாக வேண்டும். தொடர்ந்து சோபா சக்திக்கு தொடர்ந்து ஆனந்த விகடனில் இடம் கிடைக்கும் மர்மத்தை நாம் பேசியாக வேண்டும். அம்சாவின் வேலை இந்த ஆந்தைக்கு எதற்கு? அடுத்து ஆனந்த விகடனில் ஷோபா சக்தியின் கதையோ, கட்டுரையோ, பேட்டியோ வந்தால் அந்த பத்திரிகை அலுவலகத்துக்கு எதிரில் இந்த மண்ணாந்தையைக் கண்டித்து ஆர்ப்பாட்டம் நடத்த நண்பர்கள் திட்டமிட்டுள்ளோம்.

தமிழ்நதி said...

வருகைக்கு நன்றி யுவபாரதி,

ஆந்தையின் பின்னுாட்டத்தைப் பிரசுரித்திருக்கவோ அதற்குப் பதில் சொல்லியிருக்கவோ தேவையில்லை என்று நீங்கள் சொன்னதாக நம் தோழி சொன்னார். அப்படிச் செய்வதுகூட ஒருவகையான பின்வாங்கலாகவே எனக்குத் தோன்றியது. பதில் சொல்ல முடியாமல் ஒளிந்துகொள்கிறாள் என்று அவர் கெக்கலி கொட்டுவார். அப்படி ஒரு மகிழ்ச்சியை நாம் அவருக்கு அளிக்கலாகுமா? ஈழச்சிக்கலில் போராட்டத்தின் செல்நெறியும் அர்ப்பணிப்பும் வீழ்ச்சியும் அறிந்த பலர் மௌனமாக இருக்கிறார்கள். அவர்கள் பேச முன்வரவேண்டும் என்று நினைக்கிறேன். பேரழிவின் தாக்கம் அவர்களை மௌனமாக்கிவிட்டது.

சின்னப்பயல்,

இன்னும் கொஞ்சப் பேர் அங்கு இருக்கிறார்கள். விடுதலைப் புலிகள் இருந்தபோது உறங்கிக் கிடந்த சாதிப் பேய் மீண்டும் விழித்து எழுந்திருக்க வாய்ப்புகள் உண்டு.

சரவணன்,

அற‌த்திற்கு எதிராக‌ சிந்திப்ப‌தும், செய‌ல்ப‌டுவ‌துதான் அறிவு என்று நீங்க‌ள் நினைத்துகொண்டிருந்தால் அய்யா.. சாமி.. நான் மூளை என்ற‌ உறுப்பே இல்லாத‌ விசித்திர‌ ம‌னித‌னாக‌ இருந்து தொலைத்துவிடுகிறேன்.”

அறமில்லாத அறிவாளியாக இருப்பதைக் காட்டிலும் அறம் நிறைந்த அறிவிலியாக இருப்பது நல்லது என்று கற்றுத் தருகிறார் திருவாளர் ஆந்தையார். நான் அனுப்பிய சுட்டியைப் படித்தீர்களா?

வாங்க ஜோதிஜி,

வெங்காயந்தான். பெரியாரைப் படித்ததாகச் சொல்லிக்கொண்டிருக்கும் “வெங்காயம்“.

கல்யாணசுந்தரம், விஜய்சண்முகமும் நீங்களும் ஒருவரா? நீங்கள் யார் என அறிய ஆவல் கொண்டுள்ளேன். எனக்குத் தனி மடல் இடுங்களேன்.

ஆனந்தவிகடன் ஈழப்பிரச்சனை தொடர்பில் தெளிவும், பரிவும் உடையது. குறிப்பாக திருமாவேலன் புரிதலோடு எழுதுகிறார்.

இந்த ஆந்தை அந்த ஆந்தைதான் என்றால், மண்ணாந்தைக்கு எதிராகப் போராட்டம் நடத்துவதைக் குறித்து... No comments. அது உங்களதும் நண்பர்களதும் விருப்பம். இது ஜனநாயக நாடாமே... சொல்லிக்கொள்கிறார்கள்.

Rathi said...

பொறுங்கோ தமிழ்நதி எனக்கிருந்த சோலியில் நான் இந்த பதிவை காலம் கடந்து இப்போ தான் கவனித்தேன். நானும் தேசியத்தலைவரின் ஊரைச்சேர்ந்தவள் தான். மிச்சம் படிச்சிட்டு சொல்றன்.

Rathi said...

தமிழ்நதி,

நானும் விஷயம் என்னவோ புதுசாக்கும் என்று நினைத்தேன். அதே பழைய கள்ளு. இருந்தாலும் காலத்துக்கேற்ற சில விளக்கங்கள் தேவைப்படுகிறது என்கிற வகையில் உங்கள் கட்டுரை "காலத்தின் தேவை". சாதியை வைத்து ஈழத்தில் அரசியல் செய்பவர்கள் அடையாளம் காணப்பட வேண்டியவர்களே. ஆனால், இனிமேல் அது எவ்வளவு தூரம் சாத்தியம், தெரியவில்லை.

//அவர் தன்னளவில் நியாயமானவர். அதை எதிரிகளும் அறிவர்//

இது ஒன்றே போதுமே. எதுக்கு வீண் வழ, வழா பேச்சு என்றிருக்கிறது.

vijayshanmugam said...

கல்யாணசுந்தரம் எனது நண்பர்தான். திருமாவேலன் தெளிவானவர். அவரால்தான் நிறைய உண்மைகள் வருகின்றது. நான் சொல்வது இலங்கை ஆதரவு என்.ஜீ.ஓக்களால் வளர்க்கப்படும் ஷோபா சக்தியைப் பற்றி... அவரது தமிழக ஏஜெண்ட்கள் பற்றி... மீடியாவில் அவர்களுக்கு ஒன்றிரண்டு பேர்தான் இருக்கிறார்கள். அதில் ஒருவர்தான் ஆ.வி.யில் இந்த ஆந்தை. இதே பிறவிதான் அ.மார்க்ஸ், ஷோபா, ஆதவன்களின் பினாமி இணையதளத்தை நடத்துவது. ஊடகத்தில் இரண்டகம் பண்னும் இந்த ஆந்தைக்கு எதிராக செயல்படுவது குறித்து தமிழ் அமைப்புகளீடம் பேசி வருகிறோம். அடுத்து ஏதேனும் விகடனில் சோபா சக்தி பற்ரி வந்தால் நிச்சய்ம் எதிர்வினை இருக்கும்..

விஷ்ணுபுரம் சரவணன் said...

பேசவேண்டிய பொழுதுகளில் தேவையான அளவு பேசாதிருத்தலும் தவறான செயலே தமிழ்.

தமிழ்நதி said...

முகுந்தன்,

உங்கள் கருத்தைப் பிரசுரிக்கக் கேட்டிருந்தீர்கள். அல்லது அதற்கு நான் எழுதிய பதிலை நீக்கிவிடக் கேட்டிருந்தீர்கள். உங்கள் பதிலை நீக்கிவிடுவதைத் தேர்ந்தேன். எனது வலைத்தளம் அதற்கு அனுமதிக்கவில்லை. இன்று மீண்டும் முயற்சிப்பேன்.

உங்களிடம் ஒன்றே ஒன்றைத்தான் சொல்ல விரும்புகிறேன். வெளியில் இருந்தபடி தனது மக்களுக்காகப் பேசுவதை “சொகுசு வாழ்க்கையில் மிதந்தபடி துயரங்களை விற்பதாக“நீங்கள் எழுதியிருப்பது உண்மையில் வேதனை அளிக்கிறது. உங்களுக்கு நேரம் கிடைக்கும்போது இந்தச் சுட்டியைப் பாருங்கள்.
www.exiledwriters.co.uk

ஏன் நீங்கள் முன்தீர்மான வில்லை பொருத்தப்பட்ட கண்களால் என்னைப் பார்க்கிறீர்கள் முகுந்தன்?

மா.குருபரன் said...

//தலைவர் பிரபாகரனை யாரும் நியாயப்படுத்த வேண்டிய அவசியம் இல்லை. அதற்கான தகுதியும் எனக்கோ உங்களுக்கோ இல்லை. அவர் தன்னளவில் நியாயமானவர். அதை எதிரிகளும் அறிவர்//

ஸ்டாலின் குரு said...

http://www.shobasakthi.com/shobasakthi/?p=529


இந்த கட்டுரையின் முழு சாரத்தையும் யாரும் போராடக்கூடாது என்கிற ஒரு வார்த்தைக்குள் அடக்கி விடலாம்.


ஆக, சொந்த மக்களின் மீது வரம்பற்ற அதிகாரத்தைச் செலுத்தக் கூடிய, மக்களின் மிக அடிப்படையான அனைத்து உரிமைகளையும் பறித்துக் கொள்கிற அரசுரிமையே இறையாண்மையின் நடைமுறை வடிவமாக இருந்து வந்துள்ளது. இந்தியாவில் நெருக்கடி நிலை அறிவிக்கப்பட்டிருந்தபோது (1975-78) குடிமக்களுக்கு உயிர் வாழும் உரிமை கிடையாது என அரசு வாதிட்டதும், அதை நீதிமன்றம் ஏற்றுக் கொண்டதும் நினைவிற்குரிய///


குடிமக்களின் உயிர்வாழும் உரிமையை பறிக்கும் அரசின் அதிகாரத்தை மிக சாதாரணமா அங்கீகரித்து சென்றிருக்கிறார்..மகிந்தருக்கும் அந்த உரிமை உள்ளது என்று அர்த்தம்.

இவர்கள்தான் போராளிகலாம் சாதி ஒழிப்பாளர்கலாம் இந்த கொடுமைய என்னவென்று சொல்வது..

ஈழ முத்துக்குமார் said...

மிக அருமையான, அவசியமான கட்டுரை, சோபா சக்தி, அ.மார்க்ஸ் போன்ற பொய்யர்களின் புழுகு மூட்டைகள் தொடர்ந்து தோலுரிக்கப்படவேண்டும்.,

அதற்கு உங்களை போன்றவர்கள் தொடர்ந்து எழுத வேண்டும்.,

ஸ்டாலின்குரு நீங்களும் பதிவிட்டு நாளாயிற்றே.

நியோ / neo said...

பதிவுக்கு நன்றி தமிழ்நதி!

தமிழ்நாட்டுத் தவளைகளுக்குத் தெரியாத பல சேதிகளை உணர்த்தியிருக்கிறீர்கள்.

பெரியார் அளவுக்கான ஒரு ஏத்துதல் - இன்று தமிழகத்தில் பிரபாகரனுக்கும் / புலிகளுக்கும் உண்டு - என்பதை ஒரு தமிழ்நாட்டுத் தமிழனாகப் பதிவு செய்ய விரும்புகிறேன்.

ஸ்டாலின் குரு said...

கற்பவன் என்கிற,ஈழ முத்துகுமார் என்கிற,வில்லவன் ராமதாஸ் என்கிற மருதையரின் 007 க்கு நான் எழுதாமலிருப்பதில்
என்ன கஷ்டமோ?

ஈழமுத்துக்குமார் said...

திரு. ஸ்டாலின்குரு எந்த அடிப்படையில் என்னை நீங்கள் இப்படி சொல்கிறீர்கள் என்று தெரியவில்லை, ஆனால் இணையத்தில் வில்லவன் என்ற பெயரில் எழுதுபவர் நானில்லை, அவருக்கு எனக்கும் எந்த வகையிலும் தொடர்புமில்லை என்பதை மட்டும் ஒரு குறிப்புக்காக இங்கு சொல்லிவைக்கிறேன்., மேலும் நான் ம.க.இ.கவிலேயே இல்லை என்பதால் மருதையனுடைய 007னாக செயல்படவேண்டிய அவசியமும் எனக்கில்லை.

எஸ் சக்திவேல் said...

நல்ல பதிவு. ஆனால், சில வருடங்களுக்குக் முன் (குறைந்தபட்சம் முள்ளியவாய்க்கால் சோகத்துக்கு முன்பாவது) வெளியிட்டிருந்தால் நன்றாக இருந்திருக்கும். இப்ப இதை வாசிக்க CIA இன் de-classified பத்திரங்களை வாசிப்பது மாதிரியுள்ளது. அதாவது 'திருகுதாளங்கள்' நடந்தது புரிகிறது, ஆனால் too late.